રાજ્યના પાટનગર ગાંધીનગરને મળ્યા નવા મેયર હિતેશ મકવાણા

ગાંધીનગર: ગાંધીનગર મ્યુનિસિપલ કોર્પોરેશનની ચુંટણીમાં 41 બેઠકો સાથે સ્પષ્ટ બહુમતી હાંસલ કરી ઈતિહાસ રચી દેનાર ભાજપમાં નવા મેયરની વરણી આખરે થઇ ગઇ છે. ગાંધીનગરના આગામી મેયર પદે હિતેશ મકવાણાનું નામ રેસમાં સૌથી આગળ હતું અને તેમના નામ પર જ મહોર લાગી છે. હિતેષ મકવાણા વોર્ડ નંબર-8ના કોર્પોરેટર છે.

પ્રથમ અઢી વર્ષ માટે હિતેશ મકવાણા મેયર

નોંધનીય છે કે, ગાંધીનગર મનપાની ચૂંટણીમાં ભાજપે 44 પૈકી 41 બેઠક પર જ્વલંત જીત મેળવી હતીઆ ભવ્ય જીત બાદ ગાંધીનગર મનપાની પ્રથમ સામાન્ય સભા મળી. જેમાં હિતેશ મકવાણાની મેયર તરીકે પસંદગી કરવામાં આવી છે. પ્રથમ અઢી વર્ષ માટે હિતેશ મકવાણા મેયર રહેશે. આપને જણાવીએ કે, જીતેલા ઉમેદવારોમાં જાતિગત સમીકરણ એસસી 5, 1 જનરલ ઉમેદવાર એસસી બેઠક પરથી લડ્યા છે. પાટીદાર 12, ક્ષત્રિય 7, બ્રાહ્મણ 5, ઠાકોર 7, ઓબીસી 3, અને એસટી 1 બેઠક પરથી લડ્યા છે.

પોલિટિકલ બેકગ્રાઉન્ડ છે મજબૂત

વોર્ડ 8 માંથી વિજયી બનેલા હિતેશ મકવાણાનું પોલિટીકલ બેકગ્રાઉન્ડ મજબુત છે. તેઓ પૂર્વ ધારાસભ્ય પુનમ મકવાણાના પુત્ર છે. રાજકીય રીતે વધુ મજબુત હતા અને તેથી જ દાવેદાર પણ માનવામાં આવી રહ્યા હતા.