મિત્રો સાથે ફરવા નીકળેલા યુવક અને તેના મિત્રો પર હુમલો | Attack on a young man and his friends who were out for a walk with friends
વડોદરા,બર્થડે હોઇ મોડીરાત્રે ફરવા નીકળેલા યુવકો પર હુમલો કરવામાં આવ્યો હતો. જે અંગે પાણીગેટ પોલીસે બંને પક્ષની ફરિયાદ નોંધી કાયદેસરની કાર્યવાહી હાથ ધરી છે.
વાઘોડિયારોડ પર વૃંદાવન હાઇટ્સમાં રહેતો દિપક હસમુખભાઇ વસાવા કેટરિંગનો ધંધો કરે છે. પાણીગેટ પોલીસ સ્ટેશનમાં તેણે ફરિયાદ નોંધાવી જણાવ્યું છે કે, ગત ૨૭ મી તારીખે હું તથા મારો મિત્ર પ્રેમ રાત્રે સવા બાર વાગ્યે પરિવાર ચાર રસ્તા પાસે આવેલા ગલ્લા પર પાણી પીવા માટે ઊભા હતા. તે દરમિયાન ધુ્રવ, દિપક તથા કાર્તિકે હુમલો કરી મારા કાન પર બચકું ભરી લીધું હતું.
જ્યારે સામા પક્ષે એન્જિનિયરીંગનો અભ્યાસ કરતા દિપક શર્માએ ફરિયાદ નોંધાવી જણાવ્યંુ છે કે, મારો જન્મ દિવસ હોઇ હું તથા મારા મિત્રો ફરવા નીકળ્યા હતા. આગલા દિવસે થયેલા ઝઘડાની અદાવત રાખી પાર્થ, નેવિદ, દિપક તથા પ્રેમે ભેગા મળીને અમારા પર હુમલો કર્યો હતો. હુમલાખોરોએ મારી સાથે આવેલી બે યુવતીઓને પણ માર માર્યો હતો.
