गुजरात
દેવું થતા નોકરીએ જવા નીકળ્યા બાદ યુવક લાપતા થયો, પોલીસે શોધી કાઢ્યો | Young man goes missing after leaving for work due to debt police find him
Vadodara : વડોદરાના ગોરવા વિસ્તારમાં ગુમ થયેલા એક યુવકને પોલીસે રાજકોટથી શોધી નાખતા તેણે પિતા ઠપકો આપશે તેવી દહેશતથી ઘર છોડ્યું હોવાની વિગતો બહાર આવી હતી.
ગોરવામાં રહેતા એક પિતાએ તેનો પુત્ર જય નોકરીએ ગયા બાદ પરત નહીં આવ્યો હોવાની જાણ કરતાં ગોરવા પોલીસે યુવકની તપાસ હાથ ધરી હતી. પોલીસે યુવક નોકરી કરતો હતો તે સ્થળે તેમજ સીસીટીવી ફૂટેજને આધારે તપાસ કરતા આ યુવક રાજકોટ પહોંચ્યો હોવાની વિગતો જાણવા મળી હતી.
ગોરવા પોલીસની એક ટીમ પગેરૂં શોધતી રાજકોટ પહોંચી હતી અને લોકેશનના આધારે યુવકને શોધી કાઢ્યો હતો. પ્રાથમિક પૂછપરછમાં યુવકે દેવું વધી જવાથી પિતા ઠપકો આપશે તે ડરે ઘર છોડ્યું હોવાની કબુલાત કરી હતી. જેથી પોલીસે પરિવારજનો સાથે વાતચીત કરી યુવકને સોંપ્યો હતો.
