ગોત્રીની દેવદીપ હોસ્પિટલમાં બીજા માળેથી લિફ્ટ તૂટી પડતાં ડોક્ટરને ઇજા,મોટી દુર્ધટના થતાં રહી ગઇ | Doctor injured as lift collapses from second floor at Devdeep Hospital in Gotri

વડોદરાઃ ગોત્રી વિસ્તારની એક હોસ્પિટલની લિફ્ટ તૂટી પડતાં મોટી દુર્ઘટના સર્જાતાં રહી ગઇ હતી.આ બનાવમાં ફસાયેલા એક ડોક્ટરને ફાયર બ્રિગેડે બહાર કાઢી હોસ્પિટલમાં મોકલ્યા હતા.

ગોત્રી હરિનગર પાંચ રસ્તા પાસે બીજા માળે આવેલી દેવદીપ ઓર્થોપેડિક હોસ્પિટલની લિફ્ટ એકાએક તૂટી પડતાં ધડાકાભેર નીચે પટકાઇ હતી.લિફ્ટમાં ડો.હિમાંશુ પટેલ હોવાથી તેમનો પગ ફસાઇ ગયો હતો.

બનાવની જાણ ફાયર  બ્રિગેડને કરાતાં વડીવાડીની ટીમે ડોક્ટરનું રેસ્ક્યુ કરી સયાજી હોસ્પિટલમાં મોકલ્યા હતા.સારાનસીબે આ વખતે  કોઇ દર્દી કે મેડિકલ સ્ટાફ જેવી કોઇ વ્યક્તિ નહિ હોવાથી મોટી દુર્ઘટના થતાં રહી ગઇ હતી.

લિફ્ટ તૂટવાનું કારણ શું, લિફ્ટનું મેન્ટેનન્સ છેલ્લે ક્યારે થયું,બનાવ  માટે જવાબદાર કોણ જેવી બાબતો તપાસનો વિષય બન્યો છે.