પર્સનલ લોન અપાવવાના બહાને મહિલા સાથે છેતરપિંડી | Woman cheated on the pretext of getting a personal loan
વડોદરા,પુત્રના લગ્ન માટે લોન લેવા ગયેલી મહિલા પાસેથી ૨.૬૯ લાખ પડાવી લેનાર દંપતી સામે મકરપુરા પોલીસે ગુનો દાખલ કરી કાયદેસરની કાર્યવાહી હાથ ધરી છે.
વારસિયા હિરાશક્તિ મહોલ્લામાં રહેતા સંગીતાબેન મનોજભાઇ સોલંકી સયાજી હોસ્પિટલમાં કોન્ટ્રાક્ટ બેઝ પર સફાઇનું કામ કરે છે. મકરપુરા પોલીસ સ્ટેશનમાં ફરિયાદ નોંધાવી જણાવ્યું છે કે, મારા દીકરાના લગ્ન માટે નાણાની જરૃરિયાત પડતા હેમીંગ પટેલને લોન અંગે વાત કરી હતી. તેઓએ પાંચથી છ લાખની લોનની વાત કરતા મેં મારા ડોક્યુમેન્ટ્સ આપ્યા હતા. તમારે પહેલા નાની લોન લેવી પડશે, તેવું કહીને મારી પાસેથી મોબાઇલ ફોન લોન પર લેવડાવ્યો હતો.એચ.ડી. વર્લ્ડ સિદ્ધેશ્વર એફીડેવીટના માલિક હેમીંગ દિલીપકુમાર પટેલ તથા તેની પત્ની ચાંદની (બંને રહે. પાન ગ્રીન્સ સોસાયટી, આજવારોડ) એ મારી પાસેથી ૩.૦૯ લાખ મેળવી લીધા હતા. જે પૈકી માત્ર ૪૦ હજાર પરત કર્યા હતા.જ્યારે બાકીના ૨.૬૯ લાખ પરત કર્યા નથી.
