VIDEO| જામનગર: જી.જી. હોસ્પિટલ સામે જાહેરમાં મારામારીના કેસમાં 4ની ધરપકડ, ઘટનાનો વીડિયો થયો હતો વાઈરલ | 4 Arrested for Public Assault Near GG Hospital After Viral Video in Jamnagar
Jamnagar Crime News: જામનગર શહેરની સરકારી જી.જી. હોસ્પિટલ સામે થોડા દિવસો અગાઉ રાત્રિના સમયે જાહેરમાં મારામારી અને હુમલાનો બનાવ બન્યો હતો. આ ઘટનાનો વીડિયો સોશિયલ મીડિયામાં વાઈરલ થતાં શહેરમાં ભારે ચર્ચા જાગી હતી. બનાવની ગંભીરતાથી લઈ સીટી-બી ડિવિઝન પોલીસે તાત્કાલિક તપાસ હાથ ધરી હતી.
જી.જી. હોસ્પિટલ સામે જાહેરમાં મારામારીના કેસમાં 4ની ધરપકડ
પોલીસે વાઈરલ વીડિયો, સ્થાનિક લોકોના નિવેદનો તેમજ અન્ય ટેકનિકલ પૂરાવાના આધારે હુમલામાં સંડોવાયેલા ચારેય આરોપીઓને શોધી કાઢી ઝડપી પાડ્યા હતા. આરોપીઓ પાસેથી હુમલામાં ઉપયોગમાં લેવાયેલા હથિયારો સહિતની સામગ્રી પણ કબજે લેવામાં આવી છે.
ચાર આરોપીની ધરપકડ
– જયદીપસિંહ ઉર્ફે બંદુક મહીપતસિંહ જાડેજા (રહે. રામેશ્વરનગર રાંદલનગર, જામનગર)
– હાર્દીપસિંહ ઉર્ફે હદુભા ઉર્ફે હાર્દીક હરદેવસિંહ ઝાલા (રહે. ખોડીયાર કોલોની, જામનગર)
– વિવેક ઉર્ફે વીકી ગોપાલભાઈ કાપડી (રહે. તિરુપતી સ્વામીનારાયણ વિસ્તાર, જામનગર)
– પુષ્પરાજસિંહ બળભદ્રસિંહ જાડેજા (રહે. નવાગામ ઘેડ વિસ્તાર, જામનગર)
પ્રાથમિક તપાસમાં જૂની અદાવત અને બોલાચાલી બાદ મામલો ઉગ્ર બનતા જાહેરમાં હુમલો કરવામાં આવ્યો હોવાનું સામે આવ્યું છે. પોલીસે ચારેય આરોપીઓ સામે જીવલેણ હુમલો, મારામારી અને જાહેર શાંતિ ભંગ સહિતની કલમો હેઠળ ગુનો નોંધી વધુ તપાસ હાથ ધરી છે.
