મોપેડની ટક્કરે ઘાયલ સાયકલસવારનું સારવાર દરમિયાન મોત | Cyclist injured in moped collision dies during treatment

વડોદરા,સાઇકલ લઇને નોકરી જતા સિક્યુરિટી જવાનને મોપેડચાલક મહિલાએ ટક્કર મારતા ગંભીર ઇજા થતા બેભાન થઇ ગયા હતા. સારવાર દરમિયાન તેઓનું મોત થયું છે.

પોલીસ સૂત્રો દ્વારા મળતી માહિતી મુજબ, પાદરામાં રહેતા ૭૩ વર્ષના હરિભાઈ ડાહ્યાભાઈ મકવાણા ગઈ ૧૦ તારીખે પાદરાથી સાડા પાંચ વાગ્યે નીકળી સાઈકલ પર શ્રીમય સોસાયટીમાં સિક્યુરિટી જવાનની નોકરી પર જતા હતા. તે દરમિયાન નારાયણ વાડીથી સન ફાર્મા રોડ તરફ જતા માર્ગ પર મોેપેડ  લઈને જતી મહિલાએ સાઈકલને ટક્કર મારતા માથામાં ગંભીર ઈજા થતા તેઓ બેભાન થઈ ગયા હતા. સયાજી હોસ્પિટલમાં  સારવાર દરમિયાન ઇજાગ્રસ્તનું મોત થયું હતું. અટલાદરા પોલીસે મોપેડ ચાલક પૂજા શર્માની સામે કાયદેસરની કાર્યવાહી  હાથ ધરી છે. પોલીસે જણાવ્યું છે કે, તેનીપાસે ડ્રાઇવિંગ લાયસન્સ પણ નથી.