गुजरात
માંજલપુર સ્પોર્ટ કોમ્પ્લેક્સના યેલો બિલ્ડીંગનું સંચાલન ખાનગી એજન્સીને સોંપાશે : સમામાં કાફેટેરીયા થશે | management of Yellow Building of Manjalpur Sports Complex will be handed over to private agency
Vadodara : વડોદરાના માંજલપુર સ્પોર્ટ્સ કોમ્પ્લેક્સના યેલો બિલ્ડીંગનું સંચાલન ખાનગી એજન્સીને સોંપાશે અને સમા સ્પોર્ટ કોમ્પ્લેક્સ ખાતે કાફેટેરીયા શરૂ કરવામાં આવનાર છે. જે અંગે કોર્પોરેશન દ્વારા કાર્યવાહી હાથ ધરવામાં આવી છે.
વીએમસી સ્પોર્ટ્સ પ્રમોશન ફાઉન્ડેશનના સમા સ્પોર્ટ્સ કોમ્પ્લેક્સ ખાતે બેડમિન્ટન અરેનાના ટેરેસમાં કાફેટેરિયા આગામી દિવસોમાં શરૂ કરવા કાર્યવાહી કરવામાં આવી હતી. આ અંગે અનુભવી એજન્સીઓએ રવિવાર સિવાય આગામી તા.29 સુધીમાં સમા સ્પોર્ટ્સ કોમ્પ્લેક્સની ઓફિસના સમય દરમિયાન સંપર્ક કરવાનો રહેશે.
એજ પ્રમાણે માંજલપુર સ્પોર્ટ્સ કોમ્પ્લેક્સની યેલો બિલ્ડિંગમાં સ્પોર્ટ્સ સંકુલનું સંચાલન ખાનગી અનુભવી એજન્સીઓને આપવાના ચક્રો ગતિમાન કરાયા છે. જેમણે આગામી તા.29 સુધીમાં સમા સ્પોર્ટ્સ કોમ્પ્લેક્સની ઓફિસનો સંપર્ક કરવા જણાવ્યું હતું.
