પહેલી મેથી હળવા પીણા પરનો જીએસટી ૨૮ ટકાથી વધારી ૪૦ ટકા કરી દેવાયો | 40 percent GST on soft drinks
ફળના નામ જોડીને ડ્રિન્ક્સ માર્કેટમાં લોન્ચ કરવાથી ઓછો જીએસટી લાગશે નહિ
(પ્રતિનિધિ તરફથી) અમદાવાદ,શનિવાર
ભારત સરકારે પહેલી મે ૨૦૨૬થી હળવા પીણા પર લેવાતો જીએસટી ૨૮ ટકાથી વધારીને ૪૦ ટકા કરી દીધો છે.૩૦મી એપ્રિલે બહાર પાડેલા એક નોટિફિકેશનમાં જણાવવામાં આવ્યું છે કે સુધારેલા વર્ગીકરણ હેઠળના પ્રોડક્ટ્સ પર પહેલી મેથી જીએસટી-ગુડ્સ એન્ડ સર્વિસ ટેક્સના નવા દર લાગુ પડશે. આ સાથે જ સરકારી નોટિકિેશનમાં જણાવી દેવામાં આવ્યું છે કે પહેલી મેથી રિટેઈલ બિલિંગ સિસ્ટમ નવા દર પ્રમાણે જ થવી જોઈએ. સ્ટોક ટ્રાન્સફરના ડોક્યુમેન્ટ પણ તે જ પ્રમાણે થવા જોઈએ. પરચેઝ ઓર્ડર પણ જીએસટીના નવા દર પ્રમાણે જ તૈયાર થવા જોઈએ. નોટિફિકેશન બહાર પાડી દેવામાં આવ્યું હોવા છતાંય જૂના ટેક્સ સ્ટ્રક્ચરને અનુસરનાર વેપારીઓ સામે વધારાની ટેક્સ ડિમાન્ડ નીકળી શકે છે. તેના પર વેપારીએ વ્યાજ અને દંડ પણ ચૂકવવો પડશે.
જૂની વ્યવસ્થા હેઠળ ઘણાં સોફ્ટ ડ્રિન્ક પર ૩૮ ટકા જીએસટી અને બાર ટકા કોમ્પેન્સેશન સેસ લેવામાં આવતો હતો. તેથી કરદાતાએ બે અલગ અલગ ટેક્સના હિસાબ રાખવા પડતા હતા. પરિણામે બંને ટેક્સને એક કરી દઈને ૪૦ ટકા જીએસટીનો સિંગલ સ્લેબ કરી દેવામાં આવ્યો છે. નવી વ્યવસ્થા હેઠળ કોલા ડ્રિન્ક્સ, લેમન સોડા, ઓરેન્જ સોડા, ફીણવાળા પીણા, ટોનિક્સ અને સ્વીટ સ્પાર્કલિંગ બીવરેજીસ પર સૌથી વધુ જીએસટી રાખવામાં આવ્યો છે. વધારે સુગર કન્ટેન્ટ ધરાવતા પીણાઓનો વપરાશ ઘટે તે પણ ટેક્સ વધારવા પાછળનો એક હેતુ છે. પરફોર્મન્સ એન્હેન્સર ડ્રિન્ક્સ, એનર્જી બુસ્ટર ડ્રિન્ક્સ, સ્ટીમ્યુલ્ન્ટ ડ્રિન્ક્સ, ખાસ્સી માત્રામાં કેફેન ધરાવતા ડ્રિન્ક્સ, સ્પોર્ટ્સ એનર્જી ડ્રિન્ક્સ પર ૪૦ ટકા જીએસટી લેવામાં આવશે.
ફ્રૂટ જ્યુસ પર ઓછો જીએસટી લાગશે
નોટિફિકેશનમાં સ્પષ્ટતા કરવામાં આવી છે કે ફળના નામ સાથે જોડીને એટલે કે મેન્ગો ડ્રિન્કસ ફ્રૂટ સ્પ્લાશ, ઓરેન્જ ફિજ જેવાા નામ રાખીને વેચવામાં આવતા ઠંડા પીણા પર ઓછો ટેક્સ લાગશે તેવી ગણતરી હતી. પરંતુ ફળના નામથી પીણા વેચવાથી તે ડ્રિન્ક ઓછો જીએસટીને પાત્ર બનતા નથી. જોકે પ્યોર ફ્રૂટજ્યુસ, મિક્સ્ડ ફ્રૂટ જ્યુસ, મેન્ગો પલ્પ, ગ્રેપ્સ જ્યુસ અને વેજીટેબલ જ્યુસ કાર્બોનેટેડ ડ્રિન્ક્સ ન હોવાથી તેના પર ઓછો જીેએસટી લાગશે. તેનાથી ફ્રૂટ પ્રોસેસિંગ ઇન્ડસ્ટ્રીઝને ાયદો થશે.
ફ્લેવર્ડ મિલ્ક પર ૫ ટકા જીએસટી
ફ્લેવર્ડ મિલ્ક, પેકેજ મિલ્ક શેક, પ્રોટીન મિલ્ક ડ્રિન્ક, વેગન રેડી ડ્રિન્ક અને લેક્ટોઝ ફ્રી ડ્રિન્કસ પર ૫ ટકા જીએસટીલેવામાં આવશે. તેનાથી સહકારી ક્ષેત્રની ડેરીઓ, પ્રાઈવેટ ડેરીઓ અને વેલ્યુ એડેડ મિલ્ક માર્કેટમાં મૂકનારા એકમોને ફાયદો થશે.
