VIDEO: અમદાવાદના નિકોલમાં ભક્તિ સર્કલ નજીક કાર ડિવાઈડર કૂદી વૈભવી કાર સાથે ભટકાઈ | Ahmedabad Accident Caught on Dashcam: Car Crosses Divider Hits Luxury Car
Ahmedabad Accident: અમદાવાદના નિકોલમાં આવેલા ભક્તિ સર્કલ રોડ પર એક કાર અકસ્માતની ઘટના સામે આવી છે, જેનો ડેશકેમ વીડિયો સોશિયલ મીડિયામાં વાઈરલ થયો છે. એક કાર રોડ વચ્ચે ડિવાઈડર કૂદીને સામેથી આવતી લક્ઝુરિયસ કાર સાથે ધડાકાભેર અથડાઈ હતી.
મળતી માહિતી મુજબ, ડિવાઈડર કૂદી આવેલી કારચાલક જમીને બહાર નીકળ્યો હતો. ડ્રાઇવિંગ કરતી વખતે તેને અચાનક ચક્કર કે જોકું આવી ગયું હતું, જેના કારણે તેણે કાર પરથી કાબુ ગુમાવતા આ અકસ્માત સર્જાયો હતો. જો કે, રાહતની વાત એ છે કે આટલા મોટા અકસ્માત છતાં કોઈને પણ નાની-મોટી ઈજા પહોંચી નથી અને તમામનો આબાદ બચાવ થયો છે.
આ પણ વાંચો: અમદાવાદ: સાબરમતી નદીમાંથી મળેલી લાશનો ભેદ ઉકેલાયો, અકસ્માત નહીં પણ હત્યા હતી
જાણવા મળ્યું છે કે અકસ્માતનો ભોગ બનનાર બંને પક્ષો નિકોલ વિસ્તારના જ સ્થાનિક રહીશો છે. કારમાં થયેલા નુકસાન અંગે બંને પક્ષો વચ્ચે સમાધાન થઈ ગયું છે, તેથી આ મામલે આગળ કોઈ ફરિયાદ કે કાર્યવાહી કરવામાં આવી નથી.
