RTO ની apk ફાઈલ ડાઉનલોડ કરતા જ રેલવે સુપરવાઇઝરના 12.86 લાખ ઉપડી ગયા | Railway supervisor cheated of 12 86 lakh after downloading RTO apk file
Vadodara Fraud Case : વડોદરાના ન્યુ સમા રોડ વિસ્તારમાં રહેતા રેલવેના એક કર્મચારીને આરટીઓના નામે આવેલી ફાઈલ ડાઉનલોડ કરતા 12.86 લાખ ગુમાવવા પડ્યા છે.
ન્યુ સમા રોડના નિશિગંધ ફ્લેટ્સમાં રહેતા અને બાજવા રેલવે ખાતે સુપરવાઇઝર તરીકે ફરજ બજાવતા અવનીશભાઈ સોનીએ પોલીસને કહ્યું છે કે ગઈ તા.18મી જાન્યુઆરીએ મારા મોબાઈલ ઉપર અજાણા નંબર ઉપરથી આરટીઓની એપીકે ફાઈલ આવી હતી.
હું ઇન્દોરથી મારા ભાઈની કાર લાવ્યો હોવાથી મને શંકા થઈ હતી અને ઇન્દોરના વાહનનો મેમો આવ્યો હશે તેમ માનીને મેં ફાઈલ ડાઉનલોડ કરી હતી. આ સાથે જ મારું સીમકાર્ડ બંધ થઈ ગયું હતું અને મોબાઈલ હેક થઈ ગયો હતો.
સુપરવાઇઝરે કહ્યું છે કે મેં રેલવે ઓફિસમાં જાણકારી સીમકાર્ડ ચાલુ કરાવ્યું ત્યારે મારે એકાઉન્ટ માંથી રૂ.24,427 નો હપ્તો કપાતા મને આશ્ચર્ય થયું હતું. જેથી તપાસ કરાવતા મારા નામે રૂ.12.86 લાખની લોન લેવામાં આવી હોવાની અને તેનો હપ્તો કપાયો હોવાની માહિતી જાણવા મળી હતી. મેં આવી કોઈ લોન લીધી નહીં હોવાથી સાયબર સેલને જાણ કરી હતી. વડોદરા સાયબર શૈલેષ આ બાબતે ગુનો નોંધ બેન્ક એકાઉન્ટની વિગતો મેળવી તપાસ શરૂ કરી છે.
