પ્રતાપનગરના મેડિકલ સ્ટોરના સંચાલકે પ્રિસ્ક્રિપ્શન કોડીન સીરપ આપતાં કાર્યવાહી | Action taken against medical store manager for providing codeine syrup without prescription

વડોદરાઃ વડોદરાના મેડિકલ સ્ટોર્સમાં નશાકારક સીરપ છૂટથી આપવામાં આવતી હોવાની માહિતી મળતાં ફૂડ એન્ડ ડ્રગ્સ તેમજ શહેર એસઓજી દ્વારા કેટલાક સ્ટોર્સમાં સર્ચ કરવામાં આવ્યું હતું.જે દરમિયાન પ્રતાપ નગરના એક દુકાનદાર છટકામાં ફસાયા હતા.

નશા કારક આયુર્વેદિક કોડીન સીરપ તેમજ દવાઓ ડોક્ટરના પ્રિસ્ક્રિપ્શન વગર નહિ આપવા માટે નિયમો હોવા છતાં કેટલાક મેડિકલ સ્ટોરમાં આવી દવાઓ છૂટથી આપવામાં આવી રહી હોવાથી ફૂડ એન્ડ ડ્રગ્સ વિભાગ તેમજ એસઓજીની ટીમે કેટલાક સ્થળોએ સર્ચ કર્યું હતું.

આ દરમિયાન પ્રતાપનગર વિસ્તારમાં આવેલા પ્રતાપનગર મેડિકલ સ્ટોરમાં એક ડમી ગ્રાહકને મોકલતાં સંચાલકે કોઇ પણ કાગળ માગ્યા વગર સીરપ આપી હતી અને રજિસ્ટરમાં પણ કોઇ નોંધ કરી નહતી.જેથી ફૂડ એન્ડ ડ્રગ્સ વિભાગે નોટિસ આપી કાર્યવાહી હાથ ધરી છે.