ગઈ વખતે મને અહીંથી ૧૭ મત મળ્યા હતા, મત માંગવા ગયેલા લાંભાના અપક્ષ ઉમેદવારને લોકોએ ભગાડી દીધા | Last time I got 17 votes from here
અમદાવાદ, મંગળવાર,21 એપ્રિલ,2026
પ્રચાર કરી મત માંગવા
ગયેલા લાંભાના અપક્ષ ઉમેદવાર સ્થાનિક લોકોના રોષનો ભોગ બન્યા હતા.વોર્ડના
એક વિસ્તારમાં અપક્ષ ઉમેદવાર પહોંચ્યા હતા.જયાં તેમણે હાજર લોકોને આટલુ કામ કરતા હોવાછતાં ગઈ વખતે મને અહીંથી ૧૭
મત મળ્યા હતા એવુ નિવેદન કરતા સ્થાનિકોએ ભારે હોબાળો મચાવી દીધો હતો.આ કારણથી
ઉમેદવાર ગાડીમાં બેસી સ્થળ છોડી રવાના થઈ ગયા હતા.દરમિયાન મંદિરના નામે તેમણે
આપેલા ત્રણ લાખ રુપિયા લઈ જાવ એમ સ્થાનિકોએ કહયા પછી પણ લઈ ના જતા સ્થાનિકોએ જ આ
અંગેનો વિડિયો સોશિયલ મિડીયામાં વાઈરલ કરતા ઉમેદવાર સામે કાર્યવાહી થવાની વકી
હોવાનુ આધારભૂતસૂત્રોમાંથી જાણવા મળ્યુ છે.
આ અંગે પ્રાપ્ત વિગત અનુસાર લાંભાના અપક્ષ ઉમેદવાર મત માંગવા ગયા એ વિસ્તારમાં રોડ,ગટર અને પાણી
સહિતની પ્રાથમિક સુવિધા સમયસર નહીં મળવાના કારણે સ્થાનિકો પારવાર મુશ્કેલી અનુભવી
રહયા છે. આમ છતાં આ ઉમેદવાર એ વિસ્તારમાં ગયા એ સમયે સ્થાનિકો ઉપર ઉપકાર કરતા હોય
એવુ તેમનુ વર્તન જોઈ રહીશો રોષે ભરાયા હતા. દરમિયાન મતદારોનો મિજાજ પારખી ગયેલા
અપક્ષ ઉમેદવારે લોકોને કહયુ,
હું તમને કહેતો નથી.લોકશાહીમાં તમારે કોને મત આપવો એ નકકી કરવાનો તમને હકક
છે.તમારે જેને મત આપવો હોય એને આપજો. આમ કહી લોકોને વચ્ચેથી રવાના થવાની કોશિશ
કરનારા ઉમેદવારને લોકોએ કહયુ,
એ ભાઈ ઉભા રહો. તમે આપેલા ત્રણ લાખ રુપિયા તો લેતા જાવ.પણ ઉમેદવાર ઉભા રહયા
નહોતા.આ ઉમેદવાર અગાઉ બે ટર્મ કોર્પોરેટર હતા છતાં લોકોના કામ નહી થતા સ્થાનિક
રહીશો દ્વારા પરચો બતાવી તેમને સ્થળ છોડી ભાગી જવાની ફરજ પાડવામા આવી હતી.
