કેશોદ : બહેનના પ્રેમ લગ્નથી નારાજ હતો ભાઈ, બનેવીને ગોળી મારી હત્યા કરવાનો કર્યો પ્રયાસ

જૂનાગઢ : કેશોદની દીપાર્તી ફર્નિચર નજીક નોબલ હોસ્પિટલ રોડ પર મેટાડોરમાં નિન્દ્રાધીન યુવક પર ફાયરીંગ કરવાની ઘટનાએ સનસનાટી મચાવી દીધી હતી. મેટાડોરનો ચાલક ભરત પુંજાભાઈ કુવાડીયા ( ઉંવ.24 ) બપોરે મેટાડોરમાં નિન્દ્રાધીન થયો હતો તે સમયે કોઈ અજાણ્યા શખસે ભરતની પીઠના ભાગે બંદુક જેવા હથિયારમાંથી ફાયરીંગ કર્યું હતું. ફાયરીંગથી ઈજાગ્રસ્ત થયેલા ભરતે ચીસો પાડતાં લોકો દોડી આવ્યા હતા.જોકે લોકો દોડી આવે તે પહેલાં જ ફાયરીંગ કરનાર અઝાણ્યા શખસો ફરાર થઈ જવામાં સફળ રહ્યા હતા.લોહીલુહાણ થઈ ગયેલા ભરત કુંવાડીયાને સારવાર માટે હોસ્પિટલમાં ખસેડ્યો હતો.

કેશોદમાં યુવાન પર ફાયરીંગની આ ઘટનાના મામલે પોલીસે ‘કાતિલ’ સાળાની ધરપકડ કરી છે. આરોપીની બહેને સાથે ભોગ બનનારે કર્યો હતા પ્રેમલગ્ન. તેનો ખાર રાખી યુવતીના ભાઈએ કર્યું હતુ ફાઈરીંગ . ઈજાગ્રસ્ત યુવાને પોતાના સાળા અને સસરા સામે નોંધાવી હતી ફરીયાદ. જૂનાગઢ પોલીસે ઇજાગ્રસ્ત યૂવાનના સાળા ની કરી ધરપકડ. તેની પાસે થી ફાયરીંગમાં ઉપયોગમાં લેવાયેલ પીસ્તોલ કબ્જે કરી હતી. આ યુવકે કબૂલાત કરી હતી કે તે બહેનના પ્રેમ લગ્નથી ગુસ્સામાં હતો અને તેના કારણે જ બનેવીનું ઢીમ ઢાળી દેવા માંગતો હતો

ફાયરીંગની ઘટનાની જાણ થતાં કેશોદ પોલીસ ઘટના સ્થળે દોડી આવી હતી. આ અંગે ભરત કુંવાડીયાએ કેશોદ પોલીસ સ્ટેશનમાં ગુનો નોંધાવ્યો હતો.જેમાં ગંભીર આક્ષેપો કરી શંકા વ્યક્ત કરી હતી કે તેના સાળા પ્રદીપ નારણભાઈ કાનગડ અને સસરા નારણભાઈ કાનગડે તેના પર ફાયરીંગ કર્યું હોવાની શંકા છે.તેણે પોલીસ સમક્ષ આપેલી ફરિયાદમાં આક્ષેપ કર્યો હતો કે તેણે રાજકોટના આહીર ચોકમાં રહેતી યુવતી સાથે ચાર માસ પહેલાં જ ઘરેથી ભાગીને પ્રેમલગ્ન કર્યા હતા.