મારી બંને માસી મોબાઇલમાં અશ્લીલ ફોટા બતાવી : અશ્લીલ હરકતો કરતી | Both my aunts showed obscene photos on their mobile phones: They were doing obscene acts
13 વર્ષના તરૂણની ચોંકાવનારી કેફિયત : નાસિક રહેતા પિતાએ રાજકોટ રહેતી 2 સાળીઓ સામે રાજકોટ તાલુકા પોલીસમાં ફરિયાદ નોંધાવી
રાજકોટ, : રાજકોટમાં સભ્ય સમાજનું માથું શરમથી ઝૂકી જાય તેવી ઘટના પોલીસમાં જાહેર થઇ છે. માત્ર 13 વર્ષના તરૂણને તેની 2 સગી માસીઓએ અશ્લીલ ફોટા બતાવી અશ્લીલ હરકતો (જાતિય સતામણી) કર્યાનો આક્ષેપ થયો છે. રાજકોટ તાલુકા પોલીસે પોશ એરિયામાં રહેતી બંને આરોપી માસી સામે ગુનો દાખલ કરી આક્ષેપોની ખરાઇ કરવા તજવીજ શરૂ કરી છે.
ભોગ બનનાર તરૂણનાં પિતાએ ફરિયાદમાં જણાવ્યું છે કે, 1 વર્ષ પહેલાં પત્ની સાથે ઝધડો થતાં તે 13 વર્ષના પુત્રને લઇને પિયર રાજકોટ આવી ગઇ હતી. ગઇ તા. 25 માર્ચના રોજ તેના પુત્રએ કોલ કરી રડતાં-રડતાં કહ્યું કે, તેની હવે પરીક્ષા પુરી થઇ ગઇ છે, હવે તેને રાજકોટ રહેવું નથી, એટલે લેવા આવે. જેથી ચિંતા થતાં બીજા જ દિવસે રાજકોટ આવી પુત્રને લઇ જતાં રહ્યા હતા. નાસિકમાં જોયું તો પુત્ર સતત રડતો હતો. ડરેલો પણ લાગતો હતો. આ સ્થિતિમાં તેને વિશ્વાસમાં લઇ પૂછતાં કહ્યું કે, જુન 2025માં તેના નાનાનાં અવસાન બાદ માસી નાનાનાં ઘરે રહેવા આવી હતી.
એક દિવસ તેની માતા કામ સબબ બહાર ગઇ હતી પાછળથી તે બેડરૂમમાં અભ્યાસ કરતો હતો. જ્યાં તેના માસીએ આવી તેને મોબાઇલમાં અશ્લીલ ફોટાં બતાવ્યા હતા. તે સાથે જ તેને પુછ્યું કે, તું આવું કરે છે કે નહીં. આ પછી તેને કિસ કરી શરીર સાથે અડપલાં કર્યા હતા. જેને કારણે ડરી જતાં માસીને ધક્કો મારી બહાર નીકળી ગયો હતો. તે વખતે માસીએ જો આ વાત કોઇને કહીંશ તો તને અને તારી મમ્મીને ઘરમાંથી કાઢી મુકીશ તેવી ધમકી આપી હતી. એટલું જ નહીં તેને મારકુટ પણ કરી હતી.
ત્યાર પછી તેની માતા જ્યારે પણ બહાર જાય ત્યારે માસી અશ્લીલ ફોટાં બતાવી અડપલાં કરતી હતી. 2025ના ડિસેમ્બર મહિનામાં તેના જન્મદિવસના એકાદ અઠવાડિયા બાદ બીજી માસી પણ નાનાના ઘરે આવી હતી. તેણે પણ તેની માતાની ગેરહાજરીમાં તેને મોબાઇલમાં અશ્લીલ ફોટાં બતાવી, કિસ કરી, અડપલાં કર્યા હતા.
આખરે તેણે માતાને આ વાત કરતાં તેણે કહ્યું કે, તું નાનો છે એટલે માસીએ આવું કર્યું હશે, નાના બાળકો બધાને ગમે એટલે કિસ કરી હશે. આ રીતે માતાએ તેને સમજાવ્યો હતો. પરંતુ તેનું કોઇ સાંભળતાં ન હોવાથી બંને માસી તેનો ગેરફાયદો ઉઠાવતાં રહ્યા હતા. આ જ કારણે તેને ત્યાં રહેવાની ઇચ્છા રહી ન હતી. પરિણામે પિતાને લઇ જવાનું કહ્યું હતું.
