મહારાષ્ટ્રનું બ્રહ્મપુરી 47.2 ડિગ્રી સાથે દેશમાં સૌથી ગરમ, ઉ.પ્રદેશના બાંદામાં 46.8 ડિગ્રી | Brahmapuri is the hottest in the country at 47 2 degrees Banda in Uttar Pradesh at 46 8
દેશભરમાં આગઝરતી ગરમીનો પ્રકોપ યથાવત્
રાજસ્થાન પારો ૪૬ ડિગ્રીએ પહોંચ્યો, દિલ્હી પણ 43.6 ડિગ્રીએ શેકાયું : હજુ સાત દિવસ હીટવેવની આગાહી
નવી દિલ્હી: દેશના મોટાભાગના રાજ્યો હાલમાં અસહ્ય લૂ અને કાળઝાળ ગરમીની ચપેટમાં છે. ભારતીય હવામાન વિભાગના અહેવાલ અનુસાર, મહારાષ્ટ્રના વિદર્ભ પ્રદેશનું બ્રહ્મપુરી ૪૭.૨ ડિગ્રી સેલ્સિયસ મહત્તમ તાપમાન સાથે સમગ્ર દેશમાં સૌથી ગરમ મથક નોંધાયું છે. જો કે, હવામાન વિભાગે આગામી ૨૯ મેથી ગરમીના આ પ્રકોપમાંથી ધીમે-ધીમે આંશિક રાહત મળવાની સંભાવના વ્યક્ત કરી છે.
હવામાન વિભાગે તેની સત્તાવાર આગાહીમાં જણાવ્યું છે કે, આગામી ૭ દિવસ દરમિયાન મધ્ય અને ઉત્તર-પશ્ચિમ ભારતમાં તીવ્રથી અતિ તીવ્ર હીટવેવની સ્થિતિ યથાવત રહેશે. જ્યારે પૂર્વ અને સંલગ્ન દ્વીપકલ્પ ભારતમાં આગામી ૩ થી ૫ દિવસ સુધી આ સ્થિતિ પ્રવર્તશે.
મહારાષ્ટ્રના વિદર્ભ પ્રદેશમાં ગરમીએ રૌદ્ર સ્વરૂપ ધારણ કર્યું છે. બ્રહ્મપુરીમાં પારો ગગડીને ૪૭.૨ ડિગ્રી સેલ્સિયસ પર પહોંચી ગયો હતો, જે સામાન્ય તાપમાન કરતાં ૪.૬ ડિગ્રી વધુ છે. આ સાથે તે દેશનું સૌથી ગરમ સ્થળ બન્યું છે. વિદર્ભના અન્ય વિસ્તારોમાં પણ પારો ૪૫ ડિગ્રીની આસપાસ રહ્યો હતો, જેમાં ચંદ્રપુરમાં ૪૫.૬ ડિગ્રી,નાગપુરમાં ૪૫.૪ ડિગ્રી, અમરાવતીમાં ૪૫.૨ ડિગ્રી અને ગોંદિયામાં ૪૫ ડિગ્રી સેલ્સિયસ મહત્તમ તાપમાન નોંધાયું હતું. ઉત્તર પ્રદેશની વાત કરીએ તો, રાજધાની લખનૌમાં મહત્તમ તાપમાન ૪૨.૬ ડિગ્રી અને લઘુત્તમ તાપમાન ૨૮.૭ ડિગ્રી સેલ્સિયસ નોંધાયું હતું, જે સામાન્ય કરતાં અનુક્રમે ૨.૪ અને ૩.૨ ડિગ્રી વધુ છે. રાજ્યમાં ૪૬.૮ ડિગ્રી સાથે બાંદા સૌથી ગરમ રહ્યું હતું. રાજસ્થાનમાં પણ પારો ૪૫ થી ૪૬ ડિગ્રીની મધ્યે રહ્યો હતો. શ્રીગંગાનગર ૪૬ ડિગ્રી સેલ્સિયસ સાથે રાજ્યનું સૌથી ગરમ શહેર રહ્યું હતું. .દિલ્હીમાં મહત્તમ તાપમાન ૪૩.૬ ડિગ્રી સેલ્સિયસ નોંધાયું હતું
– આંધ્રપ્રદેશમાં વિરોધાભાસી હવામાન
બીજી તરફ, આંધ્રપ્રદેશમાં હવામાનના બે ભિન્ન સ્વરૂપો જોવા મળી રહ્યા છે. રાજ્યના કેટલાય જિલ્લાઓ પ્રચંડ ગરમીનો સામનો કરી રહ્યા છે, જ્યારે કેટલાક સીમિત વિસ્તારોમાં આગામી દિવસોમાં ગાજવીજ સાથે વરસાદ થવાની સંભાવના છે. આંધ્રપ્રદેશ રાજ્ય આપત્તિ વ્યવસ્થાપન સત્તામંડળે રવિવારે ચેતવણી જારી
