ઉત્તરાખંડમાં મોટી દુર્ઘટના, તેહરીમાં પિકઅપ વાન ઊંડી ખીણમાં ખાબકતા 8ના મોત, રેસ્ક્યૂ શરૂ | Tehri Accident killed 8 people pickup van fall in deep gorge
Tehri Road Accident: ઉત્તરાખંડમાં આજે મોટી દુર્ઘટના સર્જાઈ છે. ઉત્તરાખંડના તેહરીમાં પિકઅપ વાન ઊંડી ખીણમાં ખાબકી ગઈ હતી. આ ભયાનક દુર્ઘટનામાં 8 લોકોના મોત થઈ ગયા છે અને બે લોકો ઘાયલ થયા હોવાની માહિતી મળી રહી છે.
પ્રાપ્ત માહિતી પ્રમાણે ગુરુવારે બપોરે ડાયલ 112ના માધ્યમથી સૂચના મળી હતી કે, ચંબા પોલીસ સ્ટેશનના અધિકારક્ષેત્રમાં ચંબા-કોટી નેઈલ રોડ પર એક વાહન ખણીમાં ખાબકી ગયું છે. માહિતી મળતાંની સાથે જ ચંબા પોલીસ અને SDRF ટીમને તાત્કાલિક ઘટનાસ્થળે મોકલવામાં આવી હતી.
શું છે સમગ્ર ઘટના
ઘટના સ્થળે પહોંચેલી ટીમ દ્વારા મળેલી માહિતી પ્રમાણે એક યુટિલિટી પિકઅપ વાન ખીણમાં ખાબકી ગઈ છે, જેમાં લગભગ 9-10 લોકો સવાર હતા. 2 લોકોના રેસેક્યુ કરવામાં આવ્યા છે. 8 લોકોના મોત થઈ ગયા છે.
રેસ્ક્યુ ઓપરેશન ચાલું
હાલમાં SDRF ટીમ સ્થાનિક પોલીસ અને ફાયર સર્વિસે ઘટનાસ્થળે રેસ્ક્યુ ઓપરેશન હાથ ધર્યું છે. જિલ્લા મેજિસ્ટ્રેટ અને ટિહરી ગઢવાલના વરિષ્ઠ પોલીસ અધિક્ષક પણ ઘટનાસ્થળે પહોંચ્યા હતા. રાહત અને બચાવ કામગીરી ચાલુ છે.
