લેથ મશિન ઓપરેટરની દીકરીના ધો.૧૨ કોમર્સમાં ૯૯.૯૬ પર્સેન્ટાઈલ | lath operator daughter gets success in gujarat board result

વડોદરાઃ સરદાર એસ્ટેટની એક ફેકટરીમાં લેથ મશિન ઓપરેટર તરીકે કામ કરનારાની પુત્રીએ ધો.૧૨ સામાન્ય પ્રવાહમાં ૯૯.૯૬ પર્સેન્ટાઈલ પ્રાપ્ત કર્યા છે.

આજવા રોડ પર રહેતી વિદ્યાર્થિની નાશેતા તૈયબઅલીએ કહ્યું હતું કે, મારી મોટી બહેને પણ ૯૯.૭૮ પર્સેન્ટાઈલ મેળવ્યા હતા.હવે હું સીએની ડિગ્રી મેળવવા માગુ છું અને અત્યારે સીએ ફાઉન્ડેશનની પરીક્ષાની તૈયારી કરી રહી છું.

નાશેતાના પિતા તૈયબઅલીએ કહ્યું હતું કે, મેં દીકરીની ફી ભરવા માટે ઓળખીતાઓ, મિત્રો પાસેથી ઉધાર લીધા હતા.એક સંસ્થા સ્કોલરશિપ આપતી હતી પણ બે વર્ષથી ત્યાંથી પણ મદદ મળી નથી.જોકે ગમે તે થાય પણ દીકરીને આગલ ભણાવવાની છે.હું પોતે બારમુ પાસ છું.સંજોગોવશાત આગળ અભ્યાસ કરી શક્યો નહોતો પણ મારી દીકરીઓ ઉચ્ચાભ્યાસ કરે તે  માટે ગમે તે કરી છુટવા હું તૈયાર છું.