NEET માટે ત્રણ જોડી સ્પેશિયલ ટ્રેન દોડાવાશે, વિદ્યાર્થીઓને રાહત આપવા પશ્ચિમ રેલવે અમદાવાદનો નિર્ણય | Western Railway To Run Three Pairs Of NEET Exam Special Trains Check Details
NEET Exam Special Trains : નેશનલ એલિજિબિલિટી કમ એન્ટ્રન્સ ટેસ્ટ (NEET-2026)માં હાજર રહેનારા ઉમેદવારોની સુવિધા માટે પશ્ચિમ રેલવે (Western Railway) દ્વારા એક મહત્વનો નિર્ણય લેવામાં આવ્યો છે. પરીક્ષાર્થીઓની સુવિધા અને મુસાફરીની વધારાની માંગને પહોંચી વળવા માટે વિશેષ ભાડા પર ત્રણ જોડી (કુલ 6) સ્પેશિયલ ટ્રેનો ચલાવવાની જાહેરાત કરવામાં આવી છે.
જો તમે પણ આ પરીક્ષા આપવાના છો અથવા મુસાફરી કરવાનું પ્લાનિંગ કરી રહ્યા છો, તો આ ટ્રેનોનું સંપૂર્ણ વિગતવાર શિડ્યુલ નીચે મુજબ છે:
1. મણિનગર–બાંદ્રા ટર્મિનસ-મણિનગર સ્પેશિયલ (ટ્રેન નંબર: 09472/09471)
ટ્રેન નંબર 09472 (મણિનગરથી બાંદ્રા): શનિવાર, 20 જૂન 2026ના રોજ મણિનગરથી સવારે 08:30 વાગ્યે ઉપડશે અને તે જ દિવસે સાંજે 18:15 વાગ્યે બાંદ્રા ટર્મિનસ પહોંચશે.
ટ્રેન નંબર 09471 (બાંદ્રાથી મણિનગર): શનિવાર, 20 જૂન 2026ના રોજ બાંદ્રા ટર્મિનસથી રાત્રે 21:15 વાગ્યે ઉપડશે અને રવિવાર, 21 જૂન 2026 ના રોજ સવારે 06:00 વાગ્યે મણિનગર પહોંચશે.
મુખ્ય સ્ટોપેજ: આણંદ, વિશ્વામિત્રી, ભરૂચ, સુરત, નવસારી, વલસાડ, વાપી, પાલઘર અને બોરીવલી રહેશે.
કોચ ફોર્મેટ: સ્લીપર અને જનરલ ક્લાસ.
2. ઓખા–ગાંધીનગર કેપિટલ-ઓખા સ્પેશિયલ (ટ્રેન નંબર: 09554/09553)
ટ્રેન નંબર 09554 (ઓખાથી ગાંધીનગર): શનિવાર, 20 જૂન 2026ના રોજ ઓખાથી સવારે 05:00 વાગ્યે ઉપડશે અને તે જ દિવસે બપોરે 15:00 વાગ્યે ગાંધીનગર કેપિટલ પહોંચશે.
ટ્રેન નંબર 09553 (ગાંધીનગરથી ઓખા): રવિવાર, 21 જૂન 2026ના રોજ ગાંધીનગર કેપિટલથી રાત્રે 20:55 વાગ્યે ઉપડશે અને સોમવાર, 22 જૂન 2026ના રોજ સવારે 06:40 વાગ્યે ઓખા પહોંચશે.
મુખ્ય સ્ટોપેજ: દ્વારકા, ભાટિયા, ખંભાળિયા, કાનાલુસ, જામનગર, હાપા, પડધરી, રાજકોટ, વાંકાનેર, થાન, મૂળી રોડ, સુરેન્દ્રનગર, વિરમગામ, આંબલી રોડ અને ચાંદલોડિયા રહેશે.
કોચ ફોર્મેટ: સ્લીપર અને જનરલ ક્લાસ.
3. ભાવનગર ટર્મિનસ–ગાંધીગ્રામ-ભાવનગર સ્પેશિયલ (ટ્રેન નંબર: 09254/09253)
ટ્રેન નંબર 09254 (ભાવનગરથી ગાંધીગ્રામ): શનિવાર, 20 જૂન 2026ના રોજ ભાવનગર ટર્મિનસથી સવારે 11:40 વાગ્યે ઉપડશે, અને તે જ દિવસે સાંજે 16:10 વાગ્યે ગાંધીગ્રામ પહોંચશે.
ટ્રેન નંબર 09253 (ગાંધીગ્રામથી ભાવનગર): રવિવાર, 21 જૂન 2026ના રોજ ગાંધીગ્રામથી રાત્રે 20:00 વાગ્યે ઉપડશે અને સોમવાર, 22 જૂન 2026ના રોજ મોડી રાત્રે 00:35 વાગ્યે ભાવનગર ટર્મિનસ પહોંચશે.
મુખ્ય સ્ટોપેજ: ભાવનગર પરા, સિહોર, ધોળા, બોટાદ, ધંધુકા, ધોળકા, બાવળા અને સરખેજ રહેશે.
કોચ ફોર્મેટ: સ્લીપર અને જનરલ ક્લાસ.
બુકિંગ ક્યારથી શરૂ થશે?
આ તમામ સ્પેશિયલ ટ્રેનો (09472/09471, 09554/09553 અને 09254/09253) માટેનું બુકિંગ 19 જૂન, 2026થી તમામ રેલવે પીઆરએસ (PRS) કાઉન્ટરો અને આઈઆરસીટીસી (IRCTC)ની સત્તાવાર વેબસાઈટ પર શરૂ થઈ જશે.
