‘ધુરંધર’ની સફળતા બાદ ફરી હાથ મિલાવશે રણવીર સિંહ અને આદિત્ય ધર! જાણો ક્યારે શરૂ થઈ શકે છે શૂટિંગ | Ranveer Singh Aditya Dhar Team Up for Action Thriller Shooting Begins March 2027

Aditya Dhar Ranveer Singh New Film: બોલિવૂડમાં અત્યારે એક મોટા સમાચાર ચર્ચાનું કેન્દ્ર બન્યા છે. અભિનેતા રણવીર સિંહ અને ડિરેક્ટર આદિત્ય ધર ફરી એકવાર સાથે કામ કરવા જઈ રહ્યા છે. ‘ઉરી’ જેવી બ્લોકબસ્ટર ફિલ્મ આપનાર આદિત્ય ધર અને પોતાની એનર્જી માટે જાણીતા રણવીર સિંહની જોડીએ પોતાના આગામી પ્રોજેક્ટ પર કામ શરૂ કરી દીધું છે. અહેવાલો અનુસાર, તેમની ફિલ્મ ‘ધુરંધર’ ફ્રેન્ચાઇઝીની મોટી સફળતા અને પાછલી ફિલ્મમાં મળેલા શાનદાર રિસ્પોન્સ બાદ આ જોડીએ ફરી સાથે આવવાનો નિર્ણય લીધો છે. આદિત્ય ધરનું માનવું છે કે રણવીર સિંહ તેના પાત્રોને પડદા પર ખૂબ જ સુંદર રીતે જીવંત કરે છે, તેથી જ તેણે પોતાની આગામી મોટી ફિલ્મ માટે રણવીરને જ પહેલી પસંદ બનાવ્યો છે.

માર્ચ 2027માં શરૂ થશે શૂટિંગ

આ નવા પ્રોજેક્ટના શૂટિંગને લઈને ચાહકોમાં ભારે ઉત્સુકતા જોવા મળી રહી છે. મળતી માહિતી મુજબ, આ ફિલ્મનું શૂટિંગ માર્ચ 2027માં શરૂ થવાની સંભાવના છે. હાલમાં આદિત્ય ધર ફિલ્મની સ્ક્રિપ્ટ અને પ્રી-પ્રોડક્શનના કામમાં વ્યસ્ત છે. માર્ચ મહિનાનો સમય એટલે નક્કી કરવામાં આવ્યો છે જેથી ત્યાં સુધીમાં રણવીર સિંહ પણ પોતાના અન્ય પ્રોજેક્ટ્સ અને કમિટમેન્ટ્સ પૂરા કરી શકે અને આ ફિલ્મને પૂરો સમય આપી શકે.

એક્શન અને થ્રિલરનો હશે જોરદાર તડકો

આદિત્ય ધરની આ ફિલ્મ મોટા પાયે બનતી એક્શન-થ્રિલર હોવાનું કહેવાય છે. પોતાની ફિલ્મોમાં રિયાલિઝમ અને ગ્રાન્ડ વિઝ્યુઅલ્સ માટે જાણીતા આદિત્ય આ વખતે કંઈક એવું પ્લાન કરી રહ્યા છે જે પહેલા ક્યારેય જોયું ન હોય. આ રોલ માટે રણવીર સિંહે પોતાના લુક્સ અને બોડી પર અત્યારથી જ કામ કરવાનું શરૂ કરી દીધું છે, કારણ કે ફિલ્મમાં ઘણા જોખમી સ્ટન્ટ્સ જોવા મળી શકે છે. રણવીર સિંહ હાલમાં ‘સિંઘમ અગેન’ જેવી ફિલ્મો બાદ પોતાની ઇમેજ વધુ મજબૂત બનાવી રહ્યા છે, તેમના માટે આ ફિલ્મ કરિયરનો મોટો ટર્નિંગ પોઈન્ટ સાબિત થઈ શકે છે.

આ પણ વાંચો: ઈન્ટિમેટ સીન વખતે બેકાબૂ થયો હતો સુપરસ્ટાર, ‘કટ’ પછી પણ ન અટક્યો! અન્નુ કપૂરનો સનસનીખેજ દાવો

મોટી સ્ટારકાસ્ટ જોડાવાની શક્યતા

ફિલ્મની સ્ટારકાસ્ટ અંગે હજુ સસ્પેન્સ છે, પરંતુ ચર્ચા છે કે આ પ્રોજેક્ટમાં અન્ય કેટલાક એ-લિસ્ટ એક્ટર્સ પણ જોવા મળી શકે છે. આદિત્ય ધર આ ફિલ્મને માત્ર રણવીર પૂરતી સીમિત રાખવા માંગતા નથી, પરંતુ અન્ય પાત્રોને પણ એટલું જ મહત્ત્વ આપવાની તૈયારીમાં છે. મેકર્સનું માનવું છે કે મજબૂત ટીમ જ ફિલ્મને હિટ બનાવી શકે છે, તેથી સપોર્ટિંગ કાસ્ટમાં પણ મોટા ચહેરાઓ જોવા મળી શકે છે.

સોશિયલ મીડિયા પર આ સમાચાર આવતાની સાથે જ ચાહકોમાં ભારે ઉત્સાહ જોવા મળી રહ્યો છે. અગાઉ બોક્સ ઓફિસ પર ઝંડા ગાડી ચૂકેલી આ જોડી ફરી એકવાર નવો રેકોર્ડ બનાવશે તેવી આશા છે. હવે સૌની નજર 2027 પર છે, જ્યારે આ ફિલ્મ સિનેમાઘરોમાં રિલીઝ થશે.