‘AI સમિટ એ ભાજપનો કાર્યક્રમ નહોતો…’ કોંગ્રેસના શર્ટલેસ પ્રોટેસ્ટ પર PM મોદીના પ્રહાર | pm narendra modi target congress Shirtless protest india ai impact summit
PM Modi on Congress Shirtless protest: વડાપ્રધાન નરેન્દ્ર મોદીએ રવિવારે 82 કિલોમીટર લાંબા દિલ્હી મેરઠ રિઝનલ રેપિડ ટ્રાન્ઝિટ સિસ્ટમ (RRTS)ના બાકી ભાગોનું ઉદ્ધાટન કર્યું, મેરઠમાં PM મોદીએ એક જનસભાને પણ સંબોધન કરી, જ્યાં વડાપ્રધાને કહ્યું કે હવે યોજનાઓ લટકતી ભટકતી નથી, આ સાથે જ PM મોદીએ AI સમિટમાં કોંગ્રેસના શર્ટલેસ વિરોધ પર પણ તીખો હુમલો કરતાં કહ્યું કે, ‘આ વૈશ્વિક આયોજન હતું જેને કોંગ્રેસે ગંદા રાજકારણનો અખાડો બનાવી દીધું’
‘કોંગ્રેસ નેતાઓ કપડાં ઉતારીને પહોંચી ગયા’
વડાપ્રધાને AI સમિટમાં કોંગ્રેસના શર્ટલેસ વિરોધને આકરી ટીકા કરી, પ્રહાર કરતાં કહ્યું કે, એક તરફ દેશવાસી ભારતને વિકસિત બનાવવા દિવસ રાત મહેનત કરી રહ્યા છે. પરંતુ દેશમાં જ કેટલાક રાજનૈતિક દળો જે ભારતની સફળતાને પચાવી શકતા નથી, તમે હાલમાં જ જોયું કે ભારતમાં દુનિયાનો સૌથી મોટો AI Impact Summit થયો, દુનિયાભરમાં 80 ટકાથી વધારે દેશોના પ્રતિનિધિ દિલ્હી આવ્યા હતા. દુનિયાના વિકાસશીલ દેશોમાં આવું સંમલેન આજ સુધી નથી થયું, પરંતુ કોંગ્રેસ અને તેની ઈકોસિસ્ટમ ભારતના એક વૈશ્વિક આયોજનમાં તેમની નગ્ન અને ગંદા રાજકારણનો અખાડો બનાવી દીધું, સમારોહ સ્થળ પર વિદેશી મહેમાનોની સામે કોંગ્રેસ નેતાઓ કપડાં ઉતારીને પહોંચી ગયા. હું કોંગ્રેસવાળાને પૂછવા માગું છું કે દેશ જાણે છે કે તમે પહેલાથી જ નગ્ન છો તો કપડાં ઊતરવાની કેમ જરૂર પડી.
‘કોંગ્રેસની નીતિઓ પર થૂ-થૂ થઈ રહ્યું છે’
PM મોદીએ કોંગ્રેસની નીતિઓને પણ આડે હાથ લેતા જણાવ્યું કે, ‘કોંગ્રેસ નેતાઓને ત્યાં જે કર્યું તે બતાવે છે કે દેશની સૌથી જૂની પાર્ટી કેટલી ગરીબ અને દિવાળિયું બની ગઈ છે. કોંગ્રેસ તો પોતાના દેશને જ બદનામ કરવામાં લાગી ગઈ છે. આ AI ગ્લોબલ સમિટ ભાજપનો કાર્યક્રમ ન હતો દેશનો કાર્યક્રમ હતો. દેશના સન્માનનો કાર્યક્રમ હતો. પરંતુ કોંગ્રેસે તમામ મર્યાદાઓ તોડી નાખી આજે સમગ્ર દેશમાં કોંગ્રેસની આ રીતિ નીતિ પર થૂ-થૂ થઈ રહ્યું છે.’
‘આ લોકો મારી કબર ખોદવા માંગે છે’
‘કોંગ્રેસ નેતાઓ મોદીને નફરત(ધિક્કાર) કરે છે, આ લોકો મારી કબર ખોદવા માંગે છે, મારી માતાને ગંદી ગાળો આપી, તેમણે ફક્ત ભાજપ અને NDAથી વિરોધ છે, તમારા રાજકારણમાં આ કરવું જરૂરી છે, અમે તેને પણ સહન કરી લઈશું. પણ કોંગ્રેસે યાદ રાખવું જોઈએ કે AI સમિટ ભાજપનો કાર્યક્રમ ન હતો, ન તો ત્યાં કોઈ ભાજપના નેતા હાજર હતા. તેમ છતાં તમામ મર્યાદા તોડવામાં આવી. આટલી મોટી પાર્ટીના નેતા લાજવાના બદલે ગાજે છે. દેશનું અપમાન થાય છે તેમ છતાં પ્રશંસા કરી રહ્યા છે.’
