ભારતનો દબદબો વધ્યો, હેનલી પાસપોર્ટ રેન્કિંગમાં મોટી છલાંગ, હવે 56 દેશોમાં વિઝા ફ્રી એન્ટ્રી | Henley Passport Index 2026: India Ranks 75th Visa Free for 56 Countries
Henley Passport Index 2026 : ભારતીય પાસપોર્ટ ધારકો માટે એક ગર્વ લેવા જેવા સમાચાર સામે આવ્યા છે. વર્ષ 2026 ના ‘હેનલી પાસપોર્ટ ઇન્ડેક્સ’ (Henley Passport Index) માં ભારતીય પાસપોર્ટના પ્રભુત્વમાં મોટો વધારો થયો છે. ભારત આ રેન્કિંગમાં 10 સ્થાનનો કૂદકો લગાવીને મજબૂત સ્થિતિએ પહોંચ્યું છે, જેનો સીધો અર્થ એ છે કે ભારતીયો માટે હવે વિદેશ પ્રવાસ વધુ સરળ બન્યો છે.
ભારતની મોટી છલાંગ
ભારત હવે વિશ્વના સૌથી શક્તિશાળી પાસપોર્ટની યાદીમાં 75મા સ્થાને પહોંચી ગયું છે. ગયા વર્ષે ભારતીય પાસપોર્ટ આ યાદીમાં 85મા ક્રમે હતો. હવે ભારતીય નાગરિકો વિશ્વના 56 દેશોમાં અગાઉથી વિઝા લીધા વિના (વિઝા-ફ્રી અથવા વિઝા-ઓન-અરાઇવલ) મુસાફરી કરી શકે છે. ભારતનો અત્યાર સુધીનો સર્વશ્રેષ્ઠ રેન્ક વર્ષ 2006 માં 71મો રહ્યો હતો.
વિશ્વના ટોપ 10 સૌથી શક્તિશાળી પાસપોર્ટ (2026)
ગ્લોબલ રેન્કિંગમાં ભારતની સ્થિતિ
તાજેતરના સુધારા બાદ ભારતીય પ્રવાસીઓને આંતરરાષ્ટ્રીય સ્તરે વધુ સગવડ મળશે. વર્ષ 2024 માં ભારત 80મા સ્થાને હતું અને ત્યારબાદ 85મા સ્થાને સરકી ગયું હતું, પરંતુ 2026 ના નવા આંકડા ભારત માટે ખૂબ જ હકારાત્મક સંકેત આપી રહ્યા છે. હેનલી ઇન્ડેક્સ એ આધારે રેન્કિંગ આપે છે કે જે તે દેશનો પાસપોર્ટ કેટલા ગંતવ્ય સ્થાનો પર વિઝા વિના પ્રવેશની મંજૂરી આપે છે.
ભારતીય પ્રવાસીઓ માટે અગત્યનું
આ સિવાય ઓસ્ટ્રેલિયા, બ્રિટન (UK), કેનેડા અને ન્યુઝીલેન્ડ જેવા દેશો પણ તેમની વ્યાપક વૈશ્વિક પહોંચને કારણે ટોપ-10 માં સ્થાન જાળવી રાખવામાં સફળ રહ્યા છે. ભારતીય પાસપોર્ટની મજબૂતીનો અર્થ એ છે કે હવે વધુ દેશો ભારતીય પ્રવાસીઓ માટે તેમના દરવાજા ખોલી રહ્યા છે. 56 દેશોમાં વિઝા-ફ્રી એન્ટ્રી અથવા વિઝા-ઓન-અરાઇવલ સુવિધા મળવાને કારણે બિઝનેસ ટ્રિપ્સ અને ટુરિઝમ બંનેને મોટો ફાયદો થશે.
