રાજસ્થાનના કોટામાં મોટી દુર્ઘટના, બિલ્ડિંગ ધરાશાયી થતા અનેક લોકો દબાયા હોવાની આશંકા | Rajasthan News building under construction collapsed in kota

Rajasthan News: રાજસ્થાનના કોટા શહેરમાં એક મોટી દુર્ઘટના સર્જાઇ છે. જવાહર નગર વિસ્તારમાં તલવંડી ક્ષેત્રમાં એક નિર્માણાધીન બિલ્ડિંગ ધરાશાયી થતાં અનેક લોકો કાટમાળ નીચે દબાયા છે. આ બિલ્ડિંગનું નિર્માણ કાર્ય ચાલી રહ્યું હતું અને નીચે રેસ્ટોરન્ટ ધમધમતી હતી. આ દુર્ઘટના શનિવારે મોડી સાંજે ઘટી હતી. જેનો વીડિયો હાલ સોશિયલ મીડિયામાં વાઈરલ થઈ રહ્યો છે.

બિલ્ડિંગ ધરાશાયી થવાની સૂચના મળતા જ મોટી સંખ્યામાં રાહત બચાવ દળ અને પોલીસ કાફલો ઘટનાસ્થળે પહોંચ્યો છે. હાલમાં જોરશોરથી બચાવ અભિયાન શરૂ કરી દેવામાં આવ્યું છે. જો કે કેટલા લોકો દબાયેલા છે તેની જાણકારી સામે આવી નથી.