गुजरात
અમદાવાદ-મુંબઈ વચ્ચે 17 ઑક્ટોબરથી તેજસ એક્સપ્રેસ દોડશે, નવો સ્ટોપેજ ઉમેરાયો
મુંબઈ : દેશની પહેલી કોર્પોરેટ ટ્રેન અમદાવાદ-મુંબઇ તેજસ એક્સપ્રેસ હવે મુંબઇના અંધેરી સ્ટેશન પર રોકાશે. ભારતીય રેલ્વેની પીએસયુ કંપની આઇઆરસીટીસીએ કોરોનાને મુંબઇના અંધેરી સ્ટેશન પર આ ટ્રેનનો સ્ટોપેજ આપવાનું કારણ જણાવ્યું છે. કોરોના વાયરસને કારણે, મુસાફરોને લાંબા અંતરની મુસાફરી ન કરવી પડે તેથી આ પ્રીમિયમ ટ્રેનનું સ્ટોપેજ અંધેરી સ્ટેશનને આપવાનો નિર્ણય લેવામાં આવ્યો છે.
અમદાવાદથી આવતી વખતે આ ટ્રેન બપોરે 12.41 વાગ્યે મુંબઇના અંધેરી સ્ટેશન પર રોકાશે જ્યારે મુંબઇથી અમદાવાદ જતી વખતે બપોરે 15:58 વાગ્યે અંધેરી સ્ટેશન પર રોકાશે. અગાઉ તેજસ એક્સપ્રેસનો સ્ટોપ નડિયાદ, વડોદરા, ભરૂચ, સુરત, વાપી અને બોરીવલી સ્ટેશનો પર હતો.
