ઇન્દ્રણજ ગામ પાસે વટામણ રોડ પર ટ્રકમાંથી 15.71 લાખનો દારૂ પકડાયો | Liquor worth Rs 15 71 lakh seized from truck on Vatman Road near Indranaj village
તારાપુર- બગોદરા હાઇવે પર
મૂળીના વગડીયાના ટ્રક ચાલકની ધરપકડ, સાયલાના ચોરવીરા ગામના પાયલોટિંગ કરતો શખ્સ ફરાર
તારાપુર: તારાપુર- બગોદરા હાઇવે પર ઇન્દ્રણજ ગામ પાસે ટ્રકમાંથી દારૂ અને બિયરનો ૧૫.૭૧ લાખનો જથ્થો પકડી પાડયો હતો. પોલીસે દારૂ, બિયર, ટ્રક સહિત ૨૦.૭૬ લાખનો મુદ્દામાલ સાથે આરોપીની પકડી પાડયો હતો. પાયલોટિંગ કરતો અન્ય શખ્સ ફરાર થઇ ગયો હતો.
તારાપુરથી બગોદર તરફ આવતી બાતમી વાળી ટ્રક આવતા પોલીસે વોચ ગોઠવી હતી અને તારાપુર મોટી ચોકડી ખાતે ટ્રક ઉભી રાખવા ઉશારો કર્યો હતો છતાં પણ ચાલકે ઉભી નહીં રાખીને બગોદરા તરફ દોડાવી મૂકી હતી.
પોલીસે પીછો કરીને ઇન્દ્રણજ નજીક વટામણ રોડ પર ખાનગી કંપની સામે ટ્રક રસ્તાની નીચે ઉતરી ગઇ હતી અને ચાલક ભાગતા મેહુલભાઈ વાલજીભાઈ સીતાપરા (રહે.વગડીયા, તા.મુળી, જિ.સુરેન્દ્રનગર)ને પકડી પાડયી પાડયો હતો. ડ્રાઇવરે જણાવ્યુ કે, દારૂનો જથ્થો મધ્યપ્રદેશના ખેડગાંવ વિસ્તારથી આરોપી દલસુખ ઉર્ફે બગલી મનજી માથાસુરિયા ( રહે. ચોરવીરા,તા. સાયલા, જિ. સુરેન્દ્રનગર) દ્વારા સંપર્ક કરીને ભરાવવામાં આવ્યો હતો. દલસુખ પોતાની કાર મારફતે આગળ પાયલોટિંગ કરી રહ્યો હતો. પોલીસે પીછો કરતી હોવાની જાણ થતાં દલસુખ નાસી છૂટયો હતો.
પોલીસે દારૂ અને બિયરની ૫૪૨૪ બોટલ, આઇશર ટ્રક, તાડપત્રી સહિત ૨૦.૭૬ લાખનો મુદ્દામાલ પકડી પાડયો હતો. આ બંને આરોપી સામે પોલીસે ગુનો દાખલ કર્યો હતો અને ફરાર શખ્સની શોધખોળ કરી હતી.
