ઈરાનમાં જનઆક્રોશ, દેખાવકારોએ તહેરાન ઘેર્યું… ટ્રમ્પની ધમકી બાદ સરકારે એરસ્પેસ બંધ કર્યું | LIVE: Public outrage in Iran protesters surround Tehran
Iran Protest News : ઈરાનમાં આર્થિક સંકટ સામે શરૂ થયેલા વિરોધ પ્રદર્શનો હવે સરકાર વિરોધી વિદ્રોહમાં ફેરવાઈ ગયા છે. રાજધાની તેહરાન સહિત મશહદ અને ઈસ્ફહાન જેવા મોટા શહેરોમાં લોકો રસ્તા પર ઉતરી આવ્યા છે અને સુરક્ષાદળો સાથે અથડામણના અહેવાલો સામે આવી રહ્યા છે. પરિસ્થિતિ વણસતી જોઈને, ખામૈની શાસને દેશવ્યાપી ઈન્ટરનેટ બ્લેકઆઉટ કરી દીધું છે અને સમગ્ર દેશનું એરસ્પેસ પણ બંધ કરી દીધું છે.
BREAKING:
An Iranian man watches the protests from a balcony and sends a message to Trump and Netanyahu:
“Please Mr Trump. Please help Crown Prince Reza Pahlavi to return. The Ayatollah is killing our children”
Via @RADOCLUB pic.twitter.com/h0xp97feSA
— Visegrád 24 (@visegrad24) January 9, 2026
‘આ અંતિમ લડાઈ છે’: તેહરાનમાં સત્તાને સીધો પડકાર
રાજધાની તેહરાન સહિત સમગ્ર દેશમાં સત્તા વિરોધી આંદોલન મોટા પાયે ફેલાઈ ગયું છે. ‘આ અંતિમ લડાઈ છે’ જેવા નારાઓ સાથે પ્રદર્શનકારીઓ રસ્તા પર ઉતરી આવ્યા છે. સોશિયલ મીડિયા પર વાયરલ થયેલા વીડિયોમાં, પ્રદર્શનકારીઓ ઐતિહાસિક ‘લાયન એન્ડ સન’ ધ્વજ લહેરાવતા જોવા મળે છે, જેને ઈરાનમાં રાજાશાહીના પ્રતીક તરીકે જોવામાં આવે છે. ઘણા શહેરોમાં ઈરાનના પૂર્વ શાહના પુત્ર રેઝા પહલવીના સમર્થનમાં ‘પહલવી પાછા આવશે’ અને ‘શાહ અમર રહો’ જેવા નારાઓ પણ લગાવવામાં આવી રહ્યા છે.
સરકારનો ડર: ઈન્ટરનેટ બ્લેકઆઉટ અને એરસ્પેસ બંધ
પ્રદર્શનો જે ઝડપથી વધી રહ્યા છે, તેનાથી ખામૈની શાસન સ્પષ્ટપણે ગભરાયેલું દેખાઈ રહ્યું છે. પરિસ્થિતિ હાથમાંથી સરકતી જોઈને, સરકારે આકરા સુરક્ષા પગલાં લીધા છે.
એરસ્પેસ બંધ: સમગ્ર દેશનું એરસ્પેસ બંધ કરી દેવામાં આવ્યું છે. તેહરાનનું મુખ્ય એરપોર્ટ પણ ઠપ કરી દેવાયું છે.
ઈન્ટરનેટ બ્લેકઆઉટ: સમગ્ર દેશમાં ઈન્ટરનેટ સેવાઓ બંધ કરી દેવામાં આવી છે.
એર ડિફેન્સ સિસ્ટમ સક્રિય: ખામૈની શાસને દેશભરમાં એર ડિફેન્સ સિસ્ટમ પણ સક્રિય કરી દીધી છે.
આ પગલાં દર્શાવે છે કે સત્તાને ડર છે કે જો પરિસ્થિતિ વધુ વણસશે તો તે કાબૂ બહાર જઈ શકે છે.
આંતરરાષ્ટ્રીય દબાણ અને ટ્રમ્પની ખુલ્લી ધમકી
ઈરાનના આ સંકટ પર આંતરરાષ્ટ્રીય સ્તરે પણ દબાણ વધી રહ્યું છે.
ડોનાલ્ડ ટ્રમ્પ: અમેરિકન પ્રમુખ ડોનાલ્ડ ટ્રમ્પે ઈરાનને કડક ચેતવણી આપતા કહ્યું છે કે, “જો પ્રદર્શનકારીઓની હત્યા કરવામાં આવશે તો અમેરિકા આકરો જવાબ આપશે. કોઈનો પણ અવાજ દબાવવાનો પ્રયાસ કરવામાં આવશે તો અમે છોડીશું નહીં.”
જેડી વેન્સ: અમેરિકન ઉપપ્રમુખ જેડી વેન્સે કહ્યું છે કે અમેરિકા શાંતિપૂર્ણ પ્રદર્શનકારીઓની સાથે ઉભું છે અને ઈરાને પરમાણુ મુદ્દે વાતચીત કરવી જોઈએ.
કેવી રીતે શરૂ થયા પ્રદર્શનો?
આ વિરોધ પ્રદર્શનોની શરૂઆત ગયા મહિને તેહરાનના ગ્રાન્ડ બઝારથી થઈ હતી, જ્યાં વેપારીઓએ ઈરાની ચલણ રિયાલના તીવ્ર ઘટાડા અને વધતી મોંઘવારી સામે અવાજ ઉઠાવ્યો હતો. જોતજોતામાં આ વિરોધ બેરોજગારી, વસ્તુઓની અછત અને પશ્ચિમી પ્રતિબંધોને કારણે સર્જાયેલા વ્યાપક આર્થિક સંકટ સામેના જનઆક્રોશમાં ફેરવાઈ ગયો.
