વર્લ્ડટેબલ ટેનિસ યુથ કન્ટેન્ડર સ્પર્ધા : અંડર-૧૧ સિંગલ્સમાં આધ્યા બહેતી અને રાજદીપ બિશ્વાસ ચેમ્પિયન બન્યા | World Table Tennis Youth Contender Competition
સ્પોર્ટ્સ ઓથોરિટી ઓફ ગુજરાત અને ટેબલ ટેનિસ એસોસિએશન ઓફ બરોડા દ્વારા આયોજિત વર્લ્ડ ટેબલ ટેનિસ યુથ કન્ટેન્ડરની બીજી આવૃત્તિની મેચો શહેરના સમા ઇન્ડોર સ્પોર્ટ્સ કોમ્પ્લેક્સ ખાતે રમાઈ રહી છે. આ સ્પર્ધામાં અંડર-૧૧થી અંડર-૧૯ વય શ્રેણીમાં કુલ ૨૨૬ ખેલાડીઓ ભાગ લઈ રહ્યા છે અને પોતાનું કૌશલ્ય પ્રદર્શિત કરી રહ્યા છે.
અંડર-૧૧ગર્લ્સ સિંગલ્સની ફાઇનલમાં આધ્યા બહેતીએ સક્ષયા સંતોષને ૧૫-૧૩, ૧૧-૮ અને ૧૨-૧૦થી પરાજય આપીને ચેમ્પિયનશિપ જીતી હતી. જ્યારે અંડર-૧૧ બોયઝ સિંગલ્સમાં રાજદીપ બિશ્વાસે શર્વિલ કરંબેલકરને ૧૧-૮, ૧૧-૯, ૧૧-૧૩ અને ૧૧-૧૪થી હરાવી ખિતાબ પોતાના નામે કર્યો હતો.
અંડર-૧૫ બોયઝ કેટેગરીમાં વિવાન દવેએ નિશાંત ચટ્ટોપાધ્યાયને હરાવીને ક્વાર્ટર ફાઇનલમાં પ્રવેશ કર્યો છે, જ્યાં હવે તેનો સામનો રુદ્રસામે થશે. રુદ્રે અંડર-૧૩ બોયઝ સિંગલ્સ ચેમ્પિયન દેવ પ્રણવ ભટ્ટને પરાજય આપ્યો હતો. અંડર-૧૫ ગર્લ્સ સિંગલ્સમાં ટોચની ક્રમાંકિત અંકોલિકા ચક્રવર્તી, નૈશા દૈવાસ્કર અને ઉભરતી તનિષ્કા કાલભૈરવે પણ સરળ જીત મેળવી અંતિમ આઠમાં સ્થાન મેળવ્યું છે.
આ ઉપરાંત અંડર-૧૯ ગર્લ્સ અને બોયઝ સિંગલ્સમાં પણ ટોચના ક્રમાંકિત ખેલાડીઓએ ક્વાર્ટર ફાઇનલમાં પોતાનું સ્થાન સુનિશ્ચિત કર્યું છે.
