અમદાવાદ: દિવાળી કામ કાઢ્યું છે? તો આ ખાસ ધ્યાન રાખજો, નહીં તો થઈ શકે છે આવો કડવો અનુભવ
અમદાવાદ: કોરોનાકાળ બાદ રાજ્યમાં ચોર ટોળકીઓએ તો પોલીસની ઊંઘ હરામ કરી દીધી છે. દરેક શહેરમાં રોજે-રોજ ઘરફોડ ચોરી, રસ્તા પર જતા લોકોના હાથમાં લૂંટ, ઓનલાઈન છેતરપિંડી, ફ્રોડ આમ પૈસા કમાવવા અનેક પેતરાઓ તસ્કરો અજમાવી રહ્યા છે. તસ્કરોની હિમ્મત જોઈ પોલીસ પણ ક્યારેક વિચારમાં પડી જાય છે. અમદાવાદમાં આવો જ એક બનાવ સામે આવ્યો છે, ઘરમાં પરિવાર હાજર છે, કામ કરી રહ્યો છે અને તસ્કર હિમ્મત કરી ઘરમાં આવી હાથ સાફ કરી જતો રહે છે.
આગામી દિવસોમાં દિવાળી આવી રહી છે ત્યારે હવે લોકો ઘરની સાફ સફાઈમાં લાગી જશે. લોકોએ ખાસ એ વાતનું ધ્યાન રાખવું જોઈએ કે, ઘરની અંદર કામ કરતા હોય ત્યારે દરવાજા બંધ રાખવા જોઈએ. આટલું જ નહીં પણ અન્ય માળે કે અન્ય જગ્યાએ કામ કરતા હોય ત્યારે પણ ચેતતા રહેવું જોઈએ. જો બહારથી કોઈ અજાણી વ્યક્તિને કામ કરવા બોલાવ્યા હોય તો તેમની માહિતી પોતાની પાસે રાખી સતત તેની પર ધ્યાન રાખવું. અમદાવાદના એક કિસ્સામાં એવું બન્યું કે, પરિવાર નીચેના માળે કામ પૂરું કરી ઉપરના માળે કામ કરવા ગયા હતા ત્યાં તસ્કરો નીચેના માળે ઘુસી ચોરી કરી નાસી ગયા હતા.
સરદારનગરના શક્તિ નગરમાં રહેતા 50 વર્ષીય અશ્વિનભાઈ બારોટ એ.એમ.ટી.એસ બસમાં ડ્રાઈવર તરીકે નોકરી કરે છે. તેઓ તેમના પત્ની સાથે ગત 10મીએ ઘરે હાજર હતાં. ત્યારે તેઓ ઘરના ઉપરના માળે સાફ સફાઈ નું કામ કરવા ગયા હતા. આ વખતે નીચેના માળે તેમને દરવાજાને સાદી સ્ટોપર મારી હતી. ઘણા સમય સુધી ઉપરના માળે કામ ચાલ્યું હતું. બાદમાં કામ પતાવીને તેઓ નીચે આવ્યા ત્યારે તેમના દરવાજાની સ્ટોપર ખુલ્લી હતી. જેથી કઈક અજુગતું બન્યું હોવાની તેઓને શંકા ગઈ હતી.
