વડોદરા શહેરના ઇસ્કોન રોડ પર ગટર ઉભરાતા વહેતા ગંદા પાણી વાહનોથી ઉડતા તકરારો | people are suffer from Sewer overflowing and dirty water on ISKCON Road in Vadodara
image : File photo
Vadodara : વડોદરા શહેરના પશ્ચિમ વિસ્તાર ગોત્રી હરીનગરથી ઇસ્કોન મંદિર તરફ જતા રસ્તે ડ્રેનેજ લાઈનની ચેમ્બર ઉભરાવતા રોડ રસ્તા પર ગંદા અને દૂષિત પાણી સતત વહી રહ્યા છે. પસાર થતા વાહનોથી ગંદા પાણીના છાંટા ઉડતા સતત તકરારોના દ્રશ્યો જોવા મળી રહ્યા હતા. હાલની આ પરિસ્થિતિ હોય તો આગામી ચોમાસામાં વરસાદી પાણી ડ્રેનેજ લાઈનના પાણી સાથે મિસ્ત્રી તથા મચ્છરજન્ય રોગચાળાનો ઉપદ્રવ વધવાની શક્યતા નકારી શકાતી નહીં હોવાનો વિડિયો સોશિયલ મીડિયા પર વાયરલ થયો હતો.
શહેરના પશ્ચિમ વિસ્તારનો વિકાસ દીન પ્રતિદિન વધી રહ્યો છે ત્યારે ગોત્રી હરીનગરથી ઇસ્કોન તરફ જતા મુખ્ય રસ્તા પરથી પસાર થતી ગટરના ગંદા પાણી સતત ઉભરાઈને રોડ ઉપર વહી રહ્યા છે. પરિણામે વાહનો પસાર થતાં ગંદા પાણીના છાંટા ઉડવાથી પસાર થતાં લોકોને ઉડે છે. પરિણામે અવારનવાર તકરાર થવાના દ્રશ્યો સતત જોવા મળી રહ્યા છે. જો હાલમાં માત્ર ગટરના ગંદા પાણી રોડ પર વહી રહ્યા હોય તો આગામી ચોમાસાની સીઝનમાં વરસાદ પડતા ગટરના પાણી સાથે મળી જવાથી સ્થાનિકોમાં મચ્છર અને પાણીજન્ય રોગચાળાની શક્યતા નકારી શકાતી નથી. આ સમસ્યાનું વહેલી તકે નિરાકરણ થાય તેમ સ્થાનિકોની માંગ છે.
