गुजरात
ફતેપુરા મંગલેશ્વર ઝાંપા ખાતે પોલીસ સ્ટેશન નજીક દુકાનમાં આગ, બાજુની દુકાન અને રહેણાંક વિસ્તાર બચાવી લીધો | Fire in shop near police station at Fatepura Mangleshwar Jhapa
Vadodara Fire : વડોદરાના અત્યંત સંવેદનશીલ ગણાતા ફતેપુરા વિસ્તારમાં આજે પરોઢિયે પોલીસ સ્ટેશનની પાસે જ એક દુકાનમાં આગ લાગતા લોકોના ટોળા જામ્યા હતા.
ફતેપુરા રોડ પર કુંભારવાડા પોલીસ સ્ટેશન નજીક એક પ્રોવિઝન સ્ટોરમાં આગ લાગવાનું ચોક્કસ કારણ જાણી શકાયું નથી. ફાયર બ્રિગેડને કચરામાં આગ લાગી હોવાનું મેસેજ મળ્યો હતો પરંતુ ટીમ પહોંચી ત્યારે દુકાનમાં આગ જોવા મળી હતી.
વડોદરા ફાયર બ્રિગેડની ટીમે આગ કાબુમાં લેવાની સાથે સાથે બાજુની દુકાન તેમજ પાછળના રહેણાંક વિસ્તાર સુધી આગ ન પહોંચે તેની તકેદારી રાખી કામગીરી પાર પાડી હતી. પોલીસે પણ આ બનાવ અંગે પ્રાથમિક વિગતો મેળવી તપાસ શરૂ કરી છે.
