ખેડા અને આણંદ જિલ્લા પંચાયતના પ્રમુખ માટે અનુસૂચિત જનજાતિની બેઠકની ફાળવણી | Allotment of Scheduled Tribe seats for the President of Kheda and Anand District Panchayats
જિલ્લા પંચાયત અને તાલુકા પંચાયતની બેઠકોના પ્રકાર જાહેર કરાયા
ફાગવેલ, માતર, ગળતેશ્વર, કઠલાલ અને ઠાસરામાં મહિલા પ્રમુખ બનશે : રોટેશન જાહેર થતાં રાજકીય ચોગઠાની ગોઠવણ શરૂ
નડિયાદ: ખેડા જિલ્લા પંચાયત અને ૧૧ તાલુકા પંચાયતમાં પ્રમુખ પદ માટેનું રોટેશન જાહેર કરાયું હતું. ખેડા જિલ્લા પંચાયતના પ્રમુખ પદ માટે અનુસૂચિત જનજાતિ( એસટી) માટે ફાળવવામાં આવ્યું છે. જયારે આગામી અઢી વર્ષની ટમ માટે નવા ચહેરાઓને નેતૃત્વ કરવાની તક મળશે. જ્યારે આણંદ જિલ્લા પંચાયતના પ્રમુખ માટે અનુસૂચિત જનજાતિની બેઠકની ફાળવણી કરાઇ છે.
કપડવંજ તાલુકા પંચાયતમાં પ્રમુખ પદ માટે અુસૂચિત જાતિ ( એસટી) માટે અનામત રાખવામાં આવ્યું છે. નડિયાદ તાલુકા પંચાયતમાં સામાજિક અને શૈક્ષણિક રીતે પછાત વર્ગ માટે ( એસસીબીસી)ના પ્રતિનિધિ પ્રમુખ બની શકશે. આ ઉપરાંત ફાગવેલ અને માતર તાલુકા પંચાયતમાં પ્રમુખ પદ માટે એસસીબીસી મહિલાઓ માટે અનામત જાહેર કરાયા છે. જયારે ગળતેશ્વર, કઠલાલ અને ઠાસરા તાલુકા પંચાયતમાં સામાન્ય વર્ગની મહિલાઓ માટે પ્રમુખ પદ ફાળવવામાં આવ્યું છે.
ખેડા, મહુધા, મહેમદાવાદ અને વસો તાલુકા પંચાયતોમાં પ્રમુખ પદ સામાન્ય વર્ગ માટે બિન અનામત રાખવામાં આવ્યો છે. જ્યાં કોઇપણ વર્ગના ચૂંટાયેલા સભ્યો નસીબ અજમાવી શકાશે. વહીવટી તંત્રના જાહેરનામા બાદ હવે જિલ્લાના રાજકારણમાં ગરમાવો આવ્યો છે.
વિકાસ કમિશનરના નવા જાહેરનામામાં મહિલા પ્રતિનિધિત્વ પર વિશેષ ભાર મૂકવામાં આવ્યો છે. જિલ્લાની કુલ ૧૧ તાલુકા પંચાયતોમાંથી ૫ તાલુકા પંચાયતોમાં મહિલાઓ પ્રમુખ બનશે. જેમાં ફાગવેલ અને માતર તાલુકા પંચાયતમાં પછાત વર્ગની મહિલાઓ તેમજ ગળતેશ્વર, કઠલાલ અને ઠાસરામાં સામાન્ય વર્ગની મહિલાઓ પ્રમુખ પદે બિરાજશે. આ ફેરફારને કારણે ગ્રામીણ સ્તરે મહિલા નેતૃત્વને નવી ઊંચાઈ મળશે અને વહીવટી પ્રક્રિયામાં પણ ી શક્તિનો પ્રભાવ વધશે.
– કપડવંજ તાલુકા પંચાયતનું પ્રમુખ પદ અનુસૂચિત જાતિ માટે અનામત
ખેડા જિલ્લામાં સામાજિક સમાનતાના ભાગરૂપે કપડવંજ તાલુકા પંચાયતમાં પ્રમુખ પદ અનુસૂચિત જાતિ માટે ફાળવવામાં આવ્યું છે. લાંબા સમય બાદ આ વિસ્તારમાં અનુસૂચિત જાતિના પ્રતિનિધિને સર્વોચ્ચ પદ પર બેસવાની તક મળશે. તંત્ર દ્વારા આંકડાકીય વિગતો અને વસ્તીના ધોરણે કરવામાં આવેલી આ ફાળવણીને પગલે દલિત સમાજના સભ્યોમાં ઉત્સાહ જોવા મળી રહ્યો છે. હવે કપડવંજ પંથકના વિકાસ કાર્યોનું સુકાન આ કેટેગરીના ચૂંટાયેલા પ્રતિનિધિ હસ્તક રહેશે.
– મુખ્ય મથક પર એસઇબીસી કેટેગરીના પ્રમુખની વરણી થશે
ખેડા જિલ્લાના મુખ્ય મથક નડિયાદ તાલુકા પંચાયત માટે પણ મહત્વની જાહેરાત કરવામાં આવી છે. પ્રમુખ પદ સામાજિક અને શૈક્ષણિક રીતે પછાત વર્ગ (એસઇબીસી) માટે અનામત રાખવામાં આવ્યું છે. નડિયાદ તાલુકાના રાજકારણમાં હંમેશા એસસીબીસી મતદારોનો પ્રભાવ રહ્યો છે ત્યારે હવે સત્તાવાર રીતે પણ પ્રમુખ પદ આ જ કેટેગરીને ફાળવવામાં આવતા સ્થાનિક નેતાઓ સક્રિય થઈ ગયા છે. આગામી ટર્મમાં નડિયાદ તાલુકા પંચાયતનો વહીવટ પછાત વર્ગના સક્ષમ નેતાના હાથમાં જશે.
