ભારતીય સિનેમામાં નવો રેકોર્ડ: ‘ધુરંધર 2’ બની સૌથી ઝડપી 1000 કરોડ કમાનારી ફિલ્મ, જાણો અત્યાર સુધીનું કલેક્શન | ranveer singh starrer dhurandhar 2 becomes the fastest film to enter the 1000 crore club
Dhurandhar 2 Box Office Collection: ‘ધુરંધર 2’ બોક્સ ઓફિસ પર ધૂમ મચાવી રહી છે. ‘ધુરંધર 2’એ વર્લ્ડ વાઈડ 1000 કરોડની કમાણી કરી લીધી છે. આટલી કમાણી કરવામાં તેને માત્ર 7 દિવસનો સમય લાગ્યો છે. આમ તે સૌથી ઝડપી 1000 કરોડી ક્લબમાં સામેલ થનારી ફિલ્મ બની ચૂકી છે.
ટ્રેડ વેબસાઈટ સેકનિલ્ક અનુસાર ફિલ્મે બીજા બુધવારે ભારતમાં 47.70 કરોડની કમાણી કરી છે. ગ્રોસ કલેક્શન જોડતા આ આંકડો 57.09 કરોડ રૂપિયા પર પહોંચી જાય છે. ફિલ્મની અત્યાર સુધીની કમાણી નીચે પ્રમાણે છે:
જાણો અત્યાર સુધીનું કલેક્શન
– ડે ઝીરો (પેડ પ્રિવ્યૂ) – 51.60 કરોડ રૂપિયા
– પહેલો દિવસ (પહેલો ગુરુવાર) – 121.03 કરોડ રૂપિયા
– બીજો દિવસ (પહેલો શુક્રવાર) – 96.76 કરોડ રૂપિયા
– ત્રીજો દિવસ (પહેલો શનિવાર) – 135.15 કરોડ રૂપિયા
– ચોથો દિવસ (પહેલો રવિવાર) – 137.43 કરોડ રૂપિયા
– પાંચમો દિવસ (પહેલો સોમવાર) – 77.79 કરોડ રૂપિયા
– છઠ્ઠો દિવસ (પહેલો મંગળવાર) – 67.67 કરોડ રૂપિયા
– સાતમો દિવસ (બીજો બુધવાર) – 57.09 કરોડ રૂપિયા
– ટોટલ: 744.58 કરોડ રૂપિયા (ગ્રોસ ડોમેસ્ટિક કલેક્શન)
આ પણ વાંચો: ધુરંધર-2ની સફળતાની અસર? ‘ઓપરેશન સિંદૂર’ પર ફિલ્મની જાહેરાત, જાણો કોણ છે ડાયરેક્ટર
‘ધુરંધર 2’એ ભારતમાં ગ્રોસ 744.58 કરોડની કમાણી કરી લીધી છે. સાતમા દિવસે ફિલ્મે ઓવરસીઝ માર્કેટ એટલે કે વિદેશોમાં 30.41 કરોડની કમાણી કરી છે. આ સાથે ફિલ્મનું ટોટલ ઓવરસીઝ કલેક્શન 261.92 કરોડ થઈ ગયું છે. તેને ભારતમાં કમાણી કરેલા 744.58 કરોડ સાથે જોડી દઈએ તો ‘ધુરંધર 2’નું વર્લ્ડ વાઈડ કલેક્શન 1,006.50 કરોડને વટાવી ગયું છે.
‘ધુરંધર 2’એ માત્ર એક અઠવાડિયામાં જ આ આંકડો પાર કરી લીધો
કોઈ ફિલ્મનું 1000 કરોડ રૂપિયાના લાઈફટાઈમ કલેક્શન કરવું ખૂબ મોટી વાત છે. પરંતુ ‘ધુરંધર 2’એ માત્ર એક અઠવાડિયામાં જ આ આંકડો પાર કરી લીધો. ફિલ્મના પહેલા પાર્ટને અહીં સુધી પહોંચવામાં 21 દિવસનો સમય લાગ્યો હતો. તેની સરખામણીમાં બીજો પાર્ટ તો જાણે હવા સાથે વાત કરી રહ્યો છે. ખાસ વાત એ છે કે આ હજાર કરોડી ક્લબમાં સૌથી ઝડપી સામેલ થનારી ફિલ્મ બની ગઈ છે. આમ તો ‘પુષ્પા 2’ ને પણ હજાર કરોડ કમાવામાં સાત દિવસ લાગ્યા હતા. તેથી, તમે કહી શકો છો કે ‘ધુરંધર 2’ એ તેની બરાબરી કરી લીધી છે. આ બે ફિલ્મો પછી ‘બાહુબલી 2’નો નંબર આવે છે, જેને અહીં સુધી પહોંચવામાં 10 દિવસ લાગ્યા હતા. ‘KGF 2’ને 16 દિવસ, ‘RRR’ને 17 દિવસ અને ‘જવાન’ને લગભગ 18 દિવસનો સમય લાગ્યો હતો.
