કોન્સ્ટેબલની પોલીસ પ્રેમીકાએ પીએફના પૈસામાં સમાધાન ન કરતા ફરિયાદ | danilimda police reported case against women police constable suicide murder case
અમદાવાદ, રવિવાર
દાણીલીમડા પોલીસ લાઇનમાં આઠ મહિના પહેલા પતિએ પત્ની પર હુમલો કરતા પત્નીએ પતિને ઘોડિયાનું લાકડું મારીને હત્યા કર્યા બાદ પોતે પણ આત્મહત્યા કરી લીધી હતી. હત્યા અને આત્મહત્યા કેસમાં હવે નવો વળાંક આવ્યો છે. જેમાં જાણવા મળ્યું હતું કે પોલીસ કોન્સ્ટેબલ એક મહિલા પોલીસ કર્મચારી સાથે આડા સંબધ હતા અને તેણે તેના માટે અલગ ફ્લેટ ખરીદી કર્યો હતો. એટલુ જ નહી પીએફ એકાઉન્ટમાં નોમીની તરીકે પત્નીનું નામ કાઢીને પ્રેમીકાનું નામ લખાવ્યું હતું. ત્યારે પતિ પત્નીના મોત બાદ ગીતા નામના પોલીસ કર્મચારીએ પીએફના નાણાં હડપ કરવાના ઇરાદે સમાધાન ન કરતા આ અંગે દાણીલીમડા પોલીસ મથકે તેેના વિરૂદ્ધ ગુનો નોંધવામાં આવ્યો છે.
દાણીલીમડા પોલીસ લાઇનમાં ગત ૪ ઓગસ્ટ ૨૦૨૫ના રોજ પોલીસ કોન્સ્ટેબલ મુકેશ અને તેના પત્ની સંગીતા વચ્ચે પતિના અનૈતિક સંબધ તેમજ ઘર ખર્ચના નાણાંને મામલે થયેલી તકરારમાં મુકેશે તેની પત્ની સંગીતાના માથામાં હેલ્મેટ મારતા સંગીતાએ ગુસ્સામાં આવીને તેના પતિને માથામાં ઘોડિયાનો પાયો મારતા તેનું મોત નીપજ્યું હતુ. બીજી તરફ ગભરાઇ ગયેલી સંગીતાએ પણ ગળાફાંસો ખાઇ લીધો હતો.
આ કમકમાટી ભરી ઘટના નવ વર્ષના પુત્રની નજર સામે બની હતી. ત્યારે આ કેસમાં હવો વળાંક આવ્યો છે. જેમાં મૃતક સંગીતાના ભાઇ સંજય ભુસડિયાએ દાણીલીમડા પોલીસ મથકે ફરિયાદ નોંધાવી છે કે તેના બનેવી મુકેશને પોલીસ વિભાગમાં નોકરી કરતી ગીતા પગી નામની યુવતી સાથે આડા સંબધ હતા. જેની જાણ સંગીતાને થતા મુકેશે સંગીતાને ધમકી આપી હતી કે ગીતા સાથે રહેશે અને તે પગારના નાણાં ઘરે આપવાને બદલે ગીતાને આપતો હતો. એટલું જ નહી તેના માટે અલગ ફ્લેટ લીધો હતો. ઘણીવાર તે ત્યાં રહેતો હતો.આમ,પતિ પત્ની વચ્ચેની તકરારે ગંભીર રૂપ લેતા હત્યા અને આત્મહત્યાનો બનાવ બન્યો હતો.બીજી તરફ સંગીતાના પુત્રને તેના પિતાના પીએફ ગ્રેજ્યુટી મળે તે માટે તપાસ કરી ત્યારે તે ચોંકી ઉઠયા હતા કારણે કે નોમીનીમાં મુકેશે સંગીતાનું નામ કાઢીને ગીતાનું નામ ઉમેર્યુ હતુ. જેથી તેમણે આ બાબતે ગીતાને મળીને મુકેશે લઇ આપેલો ફ્લેટ પરત કરવાની સાથે પીએફમાંથી પોતાનું નામ સ્વેચ્છાએ કાઢીને મુકેશના પુત્રનું નામ લખાવવાનું કહેતા ગીતાએ સ્પષ્ટ ના પાડી દીધી હતી. એટલુ જ કેટલાંક ઉચ્ચ પોલીસ અધિકારીઓ અને પરિવારના સભ્યોએ પણ તેને સમજાવી હતી. પરંતુ, તેણે આ બાબતે પ્રતિક્રિયા ન આપતા સંગીતાના ભાઇએ છેવટે આ અંગે પોલીસ કર્મચારી ગીતા પગી વિરૂદ્ધ દાણીલીમડામાં ફરિયાદ નોંધાવતા પોલીસે તપાસ શરૂ કરી છે.
