गुजरात
અમદાવાદમાં IT વિભાગની કાર્યવાહી, મયુર ડાયકેમ ગ્રુપના 20થી વધુ સ્થળોએ તપાસનો ધમધમાટ | ahmedabad income tax raid mayur dye chem intermediates solas
IT Raid in Ahmedabad: અમદાવાદ શહેરના કેમિકલ સેક્ટર સાથે સંકળાયેલા જૂથ પર આવકવેરા વિભાગે લાલ આંખ કરી છે. અમદાવાદમાં મયુર ડાયકેમ ઇન્ટરમીડિયેટ્સ લિમિટેડ અને તેની સાથે સંકળાયેલા ભાગીદારો પર આઈટી વિભાગ દ્વારા દરોડા પાડવામાં આવ્યા છે. જેમાં મયુર ડાયકેમ ગ્રુપની ઓફિસ, ફેક્ટરી અને માલિકોના નિવાસસ્થાન પર તપાસનો ધમધમાટ ચાલી રહ્યો છે. IT વિભાગ દ્વારા કુલ 20થી વધુ સ્થળો પર તપાસ ચાલી રહી છે.
મળતી માહિતી મુજબ, આવકવેરા વિભાગની ટીમોએ આજે વહેલી સવારથી જ મયુર ડાયકેમની કોર્પોરેટ ઓફિસ અને ફેક્ટરી પરિસરમાં ધામા નાખ્યા છે. ખાસ કરીને સોલા વિસ્તારમાં રહેતા ભાગીદારોના નિવાસસ્થાને પણ ચુસ્ત પોલીસ બંદોબસ્ત સાથે સર્ચ ઓપરેશન હાથ ધરાયું છે.
