કાલાઘોડા બ્રિજ પાસે નશામાં યુવતીનો હંગામો, કોઈ ગુનો ન નોંધાયો | Drunk girl causes ruckus near Kalaghoda Bridge no crime reported
કાલાઘોડા બ્રિજ પાસે ગઈકાલે મોડી રાત્રે એક ૩૦ વર્ષની યુવતીએ નશાની હાલતમાં જાહેર માર્ગ પરભારે હંગામો મચાવ્યો હતો. ઘટનાને પગલે લોકો મોટી સંખ્યામાં સ્થળ પર એકત્ર થઈ ગયા હતા.
યુવતી અચાનક બ્રિજના રસ્તા વચ્ચે બેસી ગઈ હતી અને ઉગ્ર સ્વરે બોલાચાલી શરૂ કરી હતી. હું ગુજરાતથી નથી, મારી સાથે અન્યાય નહીં થવા દઉં તેમજ યોગી પણ આવશે અને મોદી પણ આવશે જેવા નિવેદનો આપીને નાટકીય દ્રશ્યા સાઁ હતા.
૧૧૨ ઈમરજન્સી પોલીસ ટીમ સ્થળ પર પહોંચી હતી. પોલીસે યુવતીને સમજાવવાનો પ્રયાસ કર્યો હતો, પરંતુ તે ન માનતા પોલીસ અને યુવતી વચ્ચે ખેંચતાણાના દ્રશ્યો સર્જાયા હતા. પોલીસે યુવતીને લઈ રાવપુરા પોલીસ સ્ટેશન પહોંચી હતી. ત્યા પણ યુવતીએ હોબાળો મચાવ્યો હતો.
વરણામા પોલીસ હદમાંથી યુવતીને નશાની હાલતમાં ૧૦૮ એમ્બ્યુલન્સ મારફતે સયાજી હોસ્પિટલ ખસેડાઈ હતી. સારવાર દરમિયાન યુવતી હોસ્પિટલમાંથી નીકળી આવી અને બાદમાં આ ઘટના ઘટી હોવાનું જાણવા મળ્યું છે.
રાવપુરા પોલીસે યુવતીને વરણામા પોલીસને હવાલે કરી હતી. પ્રાથમિક માહિતી મુજબ યુવતી હાલ તિલકવાડા વિસ્તારમાં રહે છે અને તેનો મિત્ર ખાનગી કંપનીમાં પ્રોજેક્ટ મેનેજર તરીકે કામ કરે છે. યુવતીએ આ મામલે કોઈ ફરિયાદ નોંધાવવાની ના પાડી હોવાનું પોલીસ જણાવે છે.
અત્રે ઉલ્લેખનીય છે કે, યુવતીએ તમાશો કરતાં વાહન વ્યવહારને અસર થઈ હતી. રાવપુરા તથા વરણામા પોલીસે અટકાયતી પગલાંની પણ નોંધ ન લેતા ચર્ચાનો વિષય બન્યો છે.
