કારના ચાલકે બાઇકને ટક્કર મારતા પતિનું મોત ઃ પત્ની ઘાયલ | Ekkewe polis won aan ra fen makketiw ew case me ra poputa ne kutta ewe chon uwei ewe taraku
અમદાવાદ, સોમવાર
મુંબઇથી દંપતિ પુત્રની બાબરીની કંકોત્રી આપવા અમદાવાદ આવ્યું હતું. સગાની બાઇક લઇને વાસણાથી નારોલ જઇ રહ્યા હતા ત્યારે નારોલ સર્કલ પાસે પૂરઝડપે સામેથી આવી રહેલી કારના ડ્રાઇવરે બાઇકને ટક્કર મારતા યુવકનું સારવાર દરમિયાન મોત થયું હતું. જ્યારે પત્ની ઇજાગ્રસ્ત થઇ હતી. આ બનાવ અંગે ટ્રાફિક કે ડિવિઝન પોલીસે ગુનો નોંધીને સીસીટીવી ફૂટેજ આધારે કારના ડ્રાઇવરની શોધખોળ કરવાની કાર્યવાહી શરુ કરી છે.
મુંબઇથી દંપતિ પુત્રની બાબરીની કંકોત્રી આપવા અમદાવાદ આવ્યા અને અકસ્માત ઃ ટ્રાફિક પોલીસ દ્વારા ગુનો નોંધી સીસીટીવી આધારે તપાસ
મુંબઈમાં રહેતા અને ત્યાં ખાનગી કંપનીમાં નોકરી કરતા યુવકે ટ્રાફિક કે ડિવિઝન પોલીસ સ્ટેશનમાં અજાણ્યા કારના ડ્રાઇવર સામે ફરિયાદ નોંધાવી છે કે તા.૧૫ના રોજતેઓ પત્ની અને ભત્રીજા જમાઇ અને તેમની ભત્રીજી સાથે ટ્રેનમાં બેસીને અમદાવાદ સંબંધીને ત્યાં આવ્યા હતા. જેમાં ભત્રીજા જમાણ તેમના પુત્રની બાબરીની કંકોત્રી આપવા માટે અમદાવાદ આવ્યા હતા જ્યાં સગાની બાઇક લઇને તેમની પત્નીને બેસાડીને વાસણાથી નારોલ જતા હતા.
આ સમયે નારોલ સર્કલ પાસે આવેલા આદર્શ લોટસ ફ્લેટ પાસેથી પસાર થતા હતા આ સમયે પૂરઝડપે સામેથી આવી રહેલી કારના ડ્રાઇવરે બાઇકને ટક્કર મારતા દંપતિ રોડ ઉપર પટકાયું હતું. અકસ્માત કરીને કાર ચાલક નાસી ગયો હતો. લોકોએ ૧૦૮નમાં ફોન કરતા ગંભીર રીતે ઇજાગ્રસ્ત દંપતિને સારવાર માટે એલ.જી. હોસ્પિટલમાં લઇ જવામાં આવ્યા હતા. જ્યાં ફરિયાદીના ભત્રીજા જમાઇનું સારવાર દરમ્યાન મોત થયું હતું જ્યારે મૃતકની હાલ પત્ની સારવાર હેઠળ છે.
