અમદાવાદના વસ્ત્રાલમાં ક્રાઈમ બ્રાંચનો દરોડો, MD ડ્રગ્સની હેરાફેરી કરતા દાણીલીમડાના બે શખ્સો ઝડપાયા | Ahmedabad Crime Branch Arrests Two for MD Drugs in Vastral Drug Ne

Ahmedabad MD Drugs Case : અમદાવાદ ક્રાઈમ બ્રાંચને મળેલી ચોક્કસ બાતમીના આધારે વસ્ત્રાલ રિંગ રોડ પર આવેલા નૈયા કોમર્શિયલ કોમ્પ્લેક્સના બેઝમેન્ટમાં દરોડો પાડવામાં આવ્યો હતો. આ કાર્યવાહી દરમિયાન ડ્રગ્સની હેરાફેરી કરી રહેલા બે યુવકો પોલીસના હાથે ઝડપાઈ ગયા હતા.

ઝડપાયેલા આરોપીઓની વિગત

ધરપકડ કરવામાં આવેલા આરોપીઓમાં આકીફ શેખ અને અજીમુદ્દીન ઉર્ફે ભુરો (બંને રહે. દાણીલીમડા, અમદાવાદ) નો સમાવેશ થાય છે. પોલીસની પ્રાથમિક પૂછપરછમાં સામે આવ્યું છે કે આ બંને શખ્સો લાંબા સમયથી ડ્રગ્સ નેટવર્ક સાથે સંકળાયેલા હતા અને છૂટક વેચાણ કે હેરાફેરીનું કામ કરતા હતા.

મુદ્દામાલની વિગત

પોલીસે આરોપીઓ પાસેથી અંદાજે ₹77,000 ની કિંમતનું એમડી (MD) ડ્રગ્સ જપ્ત કર્યું છે. ક્રાઈમ બ્રાંચે ડ્રગ્સના જથ્થા સાથે મોબાઈલ ફોન અને અન્ય વસ્તુઓ કબજે કરીને આરોપીઓ વિરુદ્ધ NDPS એક્ટ હેઠળ ગુનો નોંધી વધુ તપાસ હાથ ધરી છે. આ નેટવર્કમાં અન્ય કોણ સામેલ છે તેની પણ કડક પૂછપરછ કરવામાં આવી રહી છે.