અમદાવાદમાં પોલીસ માત્ર છ કેસ નોંધીને આઠ જ લોકોને પકડી શકી | maximum ticket selling illigally in Motera stadium ahmedabad
અમદાવાદ, રવિવાર
ટી-૨૦ વિશ્વ કપની મેગા ફાઇનલ મેચમાં ઓનલાઇન ટિકિટનું વેચાણ શરૂ થવાની સાથે જ ગણતરીની મિનિટોમાં મોટાભાગની ટિકિટ બુક થઇ જતા અનેક લોકો ટિકિટ લઇ શક્યા નહોતા. જ્યારે ઓફલાઇન ટિકિટ પણ મળી નહોતી. ૅજ્યારે કાળાબજારી કરનારાઓએ અલગ અલગ આઇડી અને મોબાઇલથી લોગઇન કરીને મોટા પ્રમાણમાં ટિકિટો મુળ ભાવે ખરીદીને છેલ્લી ઘડીએ ચારથી પાંચ ગણી કિંમતે ટિકિટનું વેચાણ કર્યું હતું. અન્ય રાજ્યોમાંથી અનેક લોકો બ્લેકમાં ટિકિટનું વેચાણ કરવા માટે આવ્યા હતા. પરંતુ, નવાઇની વાત એ છે કે પોલીસ છેલ્લાં ત્રણ દિવસમાં માત્ર આઠ લોકોને જ કાળા બજારી કરતા લોકોને પકડી શકી હતી. જ્યારે હકીકત એ છે કે સ્ટેડિયમની બહાર ખુબ મોટાપ્રમાણમાં કાળાબજારી કરનારાઓ સક્રિય હતા.
અમદાવાદના મોટેરા ક્રિકેટ સ્ટેડિયમમાં રવિવારે ટી-૨૦ વિશ્વકપની ફાઇનલ મેચનું વેચાણ ઓનલાઇન શરૂ કરવામાં આવ્યું હતુ અને માત્ર ત્રણ મિનિટમાં જ તમામ ટિકિટો વેચાઇ ગઇ હતી. જેના કારણે અનેક લોકોને નિરાશ થવુ પડયું હતું. પરંતુ, ફાઇનલ મેચ જોવા આવતા લોકોએ ટિકિટ ન હોવા છતાંય, છેલ્લાં બે દિવસથી સ્ટેડિયમની આસપાસમાં રીતસરની ફિલ્ડીંગ ભરીને ટિકિટની કાળા બજારી કરતા તત્વોની મદદથી ટિકિટને બમણી કે ત્રણ ગણી નહિ પણ ચાર થી પાંચ ગણી કિંમતે ખરીદી કરી હતી. પોલીસનો દાવો હતો કે કાળાબજારીને રોકવા માટે એક્શન પ્લાન ઘડયો હતો અને ક્રાઇમબ્રાંચથી માંડીને સ્થાનિક પોલીસને જવાબદારી સોંપી હતી. પરંતુ, પોલીસ માત્ર બે દિવસમાં માત્ર છ કેસ નોંધીને માત્ર આઠ લોકોને જ ઝડપી શક્યા હતા. જ્યારે મેચના દિવસે પોલીસ બંદોબસ્તમાં વ્યસ્ત હતી ત્યારે સ્ટેડિયમની બહાર સૌથી વધારે ટિકિટની કાળાબજારી કરવામાં આવી હતી. જેમાં ક્રિકેટ રસિયાઓએ મજબુરીમાં બ્લેકમાં ટિકિટ ખરીદીને મેચ જોવાનો વારો આવ્યો હતો. આ ઉપરાંત, લાઇવ મેચમાં સટ્ટો રમતા કેટલાંક બુકીઓ પણ પ્રેક્ષક તરીકે આવ્યા હતા અને બોલ ટુ બોલ અપડેટ લઇને સટ્ટો રમતા હતા.
