મ્યુનિ. કોર્પોરેશનની કાર્યવાહી, નિયમોના ભંગ બદલ બેદરકારોને રૂ. ૨૮.૪૩લાખનો દંડ | Municipal Corporation action fine of Rs 28 43 lakhs to negligent persons for violating rules
મ્યુનિ. કોર્પોરેશન દ્વારા શહેરમાં સ્વચ્છતા જાળવવા તથા વિવિધ નિયમોના ઉલ્લંઘન સામે સઘન અભિયાન હાથ ધરી તા. ૧થી ૨૫ ફેબ્રુઆરી દરમિયાન શહેરના તમામ વોર્ડમાં તપાસ, નાઈટ ડ્રાઈવ અને વિશેષ ચેકિંગ થકી નિયમ ભંગ બદલ કુલ રૂ. ૨૮,૪૩,૫૦૦ નો દંડ વસૂલ કરાયો છે.
કન્સ્ટ્રક્શન અને ડિમોલેશન વેસ્ટ સંબંધિત ઉલ્લંઘન બદલ રૂ. ૩,૦૨,૬૦૦ નો દંડ વસૂલ કરાયો છે. ઉપરાંત શહેરના વિવિધ વિસ્તારોમાં હાથ ધરાયેલી નાઈટ ડ્રાઈવ દરમિયાન રૂ. ૪,૨૨,૫૦૦નો દંડ કરાયો હતો. જાહેર સ્થળે ગંદકી ફેલાવનારાઓ સામે કાર્યવાહી કરીને રૂ. ૧૪,૩૯,૭૦૦ નો દંડ વસૂલ કરાયો છે, જ્યારે સિંગલ યુઝ પ્લાસ્ટિકના ઉપયોગ બદલ રૂ. ૩, ૩૪,૭૦૦ નો દંડ કરાયો હતો.
સીસીટીવી કેમેરા દ્વારા ઇન્ટીગ્રેટેડ કમાન્ડ એન્ડ કંટ્રોલ સેન્ટર મારફતે મોનીટરીંગ પણ કરવામાં આવી રહ્યુંછે. આદરમિયાન જાહેર સ્થળે કચરો ફેંકનારાઓ અને ગંદકી ફેલાવનારાઓને ઓળખી તેમની સામે કાર્યવાહી કરાઈ હતી. કુલ ૨૪ લોકોને ઓળખી તેમની સામે રૂ. ૧૨,૨૦૦નો દંડ વસૂલાયો હતો.
