गुजरात
સુરત પાલિકાના સેન્ટ્રલ ઝોનમાં ફાયરની ઓફિસ સામે ભુવો પડ્યો | potholes occur in front of fire office in Surat Municipality’s central zone
Surat : સુરત મહાનગરપાલિકાના સેન્ટ્રલ ઝોનમાં ફાયર વિભાગની ઓફિસની બરોબર સામે જ આજે સાંજે અચાનક એક ભુવો પડી ગયો હતો. ટ્રાફિકથી ધમધમતા આ રોડ પર ભુવો પડતા લોકોમાં ગભરાટ ફેલાયો હતો.
સુરત મહાનગરપાલિકા વિસ્તારમાં આમ તો સામાન્ય રીતે વરસાદની સિઝનમાં ભુવા પડે છે. પરંતુ આજે ગરમીની વચ્ચે સુરત મહાનગરપાલિકાની મુખ્ય કચેરીની બાજુમાં ફાયર વિભાગની ઓફિસ આવી છે તેના દરવાજાની સામે જ ભુવો પડી ગયો હતો. આ રોડ સતત ટ્રાફિકથી ધમધમતો રહે છે જેને કારણે અચાનક ભુવો પડી જતા વાહન ચાલકો અને લોકોમાં ગભરાટ ફેલાયો હતો. પાલિકા દ્વારા તાત્કાલિક આવવાની આસપાસ બેરકેટીંગ કરી દેવામાં આવ્યું હતું. ભુવો પડ્યો તેની નીચેથી પાણીની લાઈન પસાર થઈ રહી છે જેના કારણે ભુવો મોટો થાય તેવી શક્યતા છે.
