હોળી-ધુળેટી નિમિત્તે શહેરમાં પોલીસ કાફલો ખડકાયો, ડ્રોન સર્વેલન્સ અને ફૂટ પેટ્રોલિંગ | Vadodara Police conduct drone surveillance and foot patrolling on occasion of Holi Dhuleti
Vadodara Police : વડોદરા શહેરમાં હોળી ધુળેટીના પર્વ નિમિત્તે ઠેર-ઠેર પોલીસ કાફલો તૈનાત કરવામાં આવ્યો છે.
હોળી ધૂળેટીના પર્વ દરમિયાન કોઈ અનિચ્છનીય ઘટનાનો બને તે માટે શહેર પોલીસ કમિશનર દ્વારા ડ્રોન કેમેરાથી સર્વેલન્સ કરાવવામાં આવી રહ્યું છે તેમજ સંવેદનશીલ વિસ્તારોમાં પોલીસ ફૂટ પેટ્રોલિંગ કરી રહી છે. આ ઉપરાંત દારૂબંધીના કડક અમલ માટે પણ પોલીસને તાકીદ કરવામાં આવી છે.
પોલીસ કમિશનર દ્વારા એક જાહેરનામું બહાર પાડવામાં આવ્યું છે અને તેમાં રાહદારીઓ તેમજ વાહન ચાલકો કે માલમિલકત ઉપર થયેલી પદાર્થો વાળા રંગો તેમજ અન્ય કેમિકલ મિશ્રિત રંગો છાંટવા ઉપર પ્રતિબંધ મૂકવામાં આવ્યો છે. આવી જ રીતે શહેરના તળાવો તેમજ કેનાલો નદી સહિતના સ્થળોએ પણ નાહવા ઉપર પ્રતિબંધ ફરમાવામાં આવ્યો છે.
આ જાહેરનામાના ભંગ કરનાર સામે પોલીસ કાયદેસરની કાર્યવાહી કરી ધરપકડ કરશે તેવી પણ ચીમકી આપવામાં આવી છે.
