આઇટેક કંપનીના કર્મચારીએ ઈલેક્ટ્રિશ્યનને છરીના ઘા ઝીંક્યા | I Tech company employee stabs electrician
યુવાનને ગંભીર હાલતે હોસ્પિટલે ખસેડવામાં આવ્યો
શિફ્ટ ઈન્ચાર્જે ઇલેક્ટ્રીશ્યનને કર્મચારીને સાથે રાખી કામ પૂર્ણ કરવાનું કહ્યું હતું
ભાવનગર: વરતેજના રાજપરા ખોડિયાર પાસે આવેલ આઈટેક કંપનીમાં કામ કરતા કામ કરતા કર્મચારીએ ઈલેક્ટ્રિશ્યનને છરીના ઘા ઝીંકી ઈજા પહોચાડી હતી.
સિહોરના શર્માપાર્ક ખાતે રહેતા અને આઈટેક કંપનીમાં ઈલેક્ટ્રિશ્યન તરીકે ફરજ બજાવતા વિશાલભાઈ નટુભાઈ મકવાણાને કંપનીના શિફ્ટ ઇન્ચાર્જ દ્વારા સોંપવામાં આવેલ કામ માટે સુનિલ મેરની મદદ લઈ સમય મર્યાદા કામ પૂરું કરવા માટે જણાવેલ હોય જેથી વિશાલભાઈએ કંપનીમાં કામ કરતા સુનિલ મેરને અવાર-નવાર કહેતા તેમજ શિફ્ટ ઇન્ચાર્જને જાણ કરવા છતા આ સુનિલએ વિશાલભાઈને મદદ કરેલ ન હોય જેથી વિશાલભાઈએ કંપનીના પ્લાન્ટ મેનેજરને સુનિલની ફરિયાદ કરતા સુનિલએ આ વાતનુ દુઃખ થતા વિશાલભાઈને કંપનીના ગેટ બહાર ઉભો રાખી તેની પાસે રહેલ છરી વડે ડાબા પડખાના ભાગે તેમજ ડાબા હાથની વચ્ચેની બંને આંગળીમાં તથા નાક પર જમણી બાજુ તથા માથાના ડાબા ભાગે આડેધડ છરીના ઘા મારી ગાળો આપી નાસી છૂટયો હતો. વિશાલભાઈને ગંભીર હાલતે હોસ્પિટલે ખસેડવામાં આવ્યા હતા. આ બનાવ સંદર્ભે સુનિલભાઈએ શખ્સ વિરૂધ્ધ વરતેજ પોલીસ મથકમાં ફરિયાદ નોંધાવતા પોલીસે વધુ તપાસ હાથ ધરી છે.
