ઈરાનનો એક સાથે 8 દેશો પર હુમલો, કતાર, બહેરીન, કુવૈત અને UAEમાં US બેઝને કર્યા ટાર્ગેટ | US Israel Iran war Live Updates Iran attacks many US Army base

Iran Israel Conflict News: અમેરિકા અને ઇઝરાયલે સંયુક્ત રીતે ઈરાન પર ઘાતક હુમલો કર્યો છે. જેના વળતાં જવાબમાં ઈરાને ઈઝરાયલ અને અમેરિકાના અલગ અલગ દેશોમાં સ્થિત સૈન્ય ઠેકાણાઓને ટાર્ગેટ કર્યા છે. ઈઝરાયલનું સ્પષ્ટ કહેવું છે કે, જ્યાં સુધી ઈરાન પરમાણુ કાર્યક્રમ સંપૂર્ણ રીતે બંધ નહીં કરે ત્યાં સુધી યુદ્ધ કરશે, બીજી તરફ ઈરાને પણ અમેરિકા અને ઈઝરાયલને ચેતવણી આપી છે કે યુદ્ધ શરૂ તમે કર્યું છે ખતમ અમે કરીશું.

ઈરાને એક સાથે 8 દેશો પર કર્યો હુમલો

Iran attacks US Army base: સૂત્રો મુજબ ઈરાને ઓપરેશન ફતહ-એ-ખૈબર હેઠળ એક સાથે કતાર, બેહરીન, કુવૈત, UAE, જોર્ડન, સાઉદી અરેબિયા, ઈરાક અને ઇઝરાયલ પર હુમલો કર્યો છે. જેમાં ઈઝરાયલ ઉપરાંત ઈરાનની આસપાસ આવેલા US સૈન્ય બેઝને ટાર્ગેટ બનાવ્યા છે. ઈરાને બેહરીનમાં અમેરિકન હેડક્વાર્ટર પર હુમલા કર્યા છે. કતારમાં US બેઝ પર હુમલા કર્યા છે. બેહરીનમાં સાયરનના અવાજ સાંભળવા મળી રહ્યા છે. સાઉદી અરેબિયાના રિયાદમાં અને ઈરાકમાં પણ ઈરાને અમેરિકાના સૈન્ય સ્થળોને ટાર્ગેટ કરી ભીષણ હુમલો કર્યો છે.

અમેરિકાના તમામ સૈન્ય ઠેકાણા ટાર્ગેટ પર: ઈરાન

ઈરાને પહેલાથી જ અમેરિકાને વિનાશક જવાબ આપવાની જાહેરાત કરી હતી. ઈરાનના બદલામાં અમેરિકાને સૌથી વધુ નુકસાન થયું છે, કારણ કે ઈરાને મિસાઈલથી તેના 8 બેઝને એક સાથે ટાર્ગેટ કર્યા છે. ઈરાને એ પણ કહ્યું છે કે અમેરિકાના તમામ સૈન્ય ઠેકાણા તેમના ટાર્ગેટ પર છે.

ઈરાનની આસપાસના અમેરિકાના મુખ્ય બેઝ કયા કયા?

ડોનાલ્ડ ટ્રમ્પે આપ્યું પ્રથમ નિવેદન 

અમેરિકા અને ઈઝરાયલે ઈરાનમાં હુમલા કર્યા બાદ ટ્રમ્પે પ્રથમ નિવેદન આપતાં કહ્યું કે ઈરાન ક્યારેય પરમાણુ શક્તિ નહીં બની શકે. તે પરમાણુ બોમ્બ બનાવવાની કોશિશ કરી રહ્યો હતો. અમે ઈરાનની નેવીને જ ખતમ કરવા જઈ રહ્યા છીએ. અમે ઈરાનના મિસાઇલ ઠેકાણાઓને નષ્ટ કરી નાખીશું. તે અમેરિકાને નિશાન બનાવવાની ફિરાકમાં હતું. અમે ઈરાનના પરમાણુ સેન્ટરને જ ઉડાવી નાખીશું.