વડોદરા બસ ડેપો પરથી ભાવનગરના બે યુવકોની સ્કૂલબેગમાંથી દારૂની 230 બોટલ મળી | 230 bottles of liquor found in school bags of two youths from Bhavnagar at Vadodara bus depot

Vadodara Liquor Smuggling : વડોદરા બસ ડેપો પરથી પોલીસે બે યુવકોને દારૂના જથ્થા સાથે ઝડપી પાડી પૂછપરછ હાથ ધરી છે. 

વડોદરા એસટી ડેપો પાસે સ્કુલ બેગ લઈને ઉભેલા બે યુવકોને પોલીસે તપાસતા તેમની પાસેની બેગમાંથી રૂ.39,000 ની કિંમતની 230 બોટલ મળી આવી હતી. 

પોલીસની પૂછપરછ દરમિયાન એકનું નામ સાહિલ જીતુભાઈ પરમાર (કણબી વાડ, ભાવનગર) અને બીજાનું નામ જીગ્નેશ દિનેશભાઈ પરમાર(કરચલીયા પરા, ભાવનગર) હોવાનું ખુલ્યું હતું. બંને જણા કોની પાસેથી દારૂ લાવ્યા હતા અને ક્યાં પહોંચાડવાનો હતો, કેટલા સમયથી દારૂની ખેપ મારી રહ્યા છે. જેવી બાબતે તપાસ કરવા પોલીસે બંનેની ધરપકડ કરી પૂછપરછ કરી રહી છે.