સિનિયર નેશનલ કબડ્ડી ચેમ્પિયનશિપમાં આજે ખરાખરીનો જંગ જામશે | A fierce battle will take place today in the Senior National Kabaddi Championship

સમા સ્પોર્ટસ્ કોમ્પલેક્સ ખાતે આયોજિત ૭૨મી સિનિયર નેશનલ કબડ્ડી ચેમ્પિયન શિપમાં મુકાબલા રોમાંચક બન્યા છે. અત્યાર સુધી લીગની ૩૯ અને નોકઆઉટની ૧૫ મળી કુલ ૫૪ મેચોમાં ખેલાડીઓના શાનદાર દેખાવ સાથે દર્શકોમાં ભારે ઉત્સાહ જોવા મળ્યો છે. આવતીકાલે તા. ૨૭ ફેબ્રુઆરીએ ફાઈનલ મેચ અગાઉ આજે નોકઆઉટ રાઉન્ડની શરુઆત થઈ હતી. તિએ ચેમ્પિયનશિપના બીજા દિવસે રમાયેલી મેચના પરિણામો પર નજર કરીએ તો, ઉત્તરાખંડે બંગાળ સામે ૬૩-૪૨, આંધ્રપ્રદેશે તેલંગાણા સામે

૪૭-૪૫, કેરાલાએ છત્તિસગઢ સામે ૪૫-૩૦, દિલ્હીએ ત્રિપુરા સામે ૬૪-૪૨, મધ્યપ્રદેશે ગોવા સામે ૩૫-૩૪ જ્યારે હિમાચલપ્રદેશે ગુજરાત સામે ૫૧-૩૪થી જીત મેળવી હતી. જ્યારે તામિલનાડુએ વિદર્ભને ૪૦-૨૧, હરિયાણાએ તેલંગાણાને ૪૯-૧૮, બિહારે રાજસ્થાનને ૪૦-૨૭, મહારાષ્ટ્રે કર્ણાટકને ૪૯-૨૫, આંધ્ર પ્રદેશે જમ્મુ-કાશ્મિરને ૩૭-૨૯, ઈન્ડિયન રેલવેએ પોંડિચેરીને ૫૦-૨૯થી હાર આપી હતી. વિદર્ભે મણિપુરને ૬૧-૩૯, સર્વિસિસે ચંદી ગઢને ૫૩-૨૫, રાજસ્થાને કેરળને ૫૪-૨૯, કર્ણાટકે દિલ્હીને ૪૩-૪૦ જ્યારે મધ્યપ્રદેશે બંગાળને ૬૪-૨૦થી હાર આપી હતી. જ્યારે જમ્મુ-કાશ્મિરે બિહાર સામે ૩૮-૧૮, બિહારે છત્તિસગઢ સામે ૪૭-૨૬, મહારાષ્ટ્ર ત્રિપુરા સામે ૩૪-૦૯,

તામિલનાડુએ ઉત્તરપ્રદેશ સામે ૦૨-૦૧ અને ગોવાએ ઉત્તરાખંડ સામે ૫૪-૪૫થી જીત મેળવી હતી. 

કબડ્ડીમાં કેરિયર અને લોકચાહના બંને શક્ય : રામબીરસિંગ ખોખર

હરિયાણાના કબડ્ડી કોચ અને દ્રોણાચાર્ય એવોર્ડી રામબીરસિંગ ખોખરએ કહ્યું હતું કે, અગાઉની સરખામણીએ આજે કબડ્ડી ક્ષેત્રે ઇન્ફ્રાસ્ટ્રક્ચર અને સુવિધાઓમાં આધુનિકતા આવી છે. વડોદરામાં પ્રથમ વખત સ્પર્ધા માટે ચાર કોર્ટની સુવિધા છે, ખેલો ઈન્ડિયા યોજના હેઠળ ખેલાડીઓને આર્થિક સહાય અને પ્રોત્સાહન મળતા યુવાનોમાં રમત પ્રત્યે ઝોક વધ્યો છે.

સ્કિલ અને ટીમ પ્લાનિંગનું મૂલ્યાંકન થઈ રહ્યું છે: બીસી રમેશ

બેંગ્લોરના અર્જુન એવોર્ડી બી સીરમેશએ જણાવ્યું હતું કે, આજે અનેક રાજ્યોની ટીમોમાં મૂળ હરિયાણાના ખેલાડીઓ નોંધપાત્ર સંખ્યામાં જોવા મળે છે, એશિયન ગેમ્સ સિલેક્શન પ્રક્રિયામાં ખેલાડીઓની સ્કિલ, ટીમ પ્લાનિંગ, ડિફેન્સ, રાઇડિંગ સહિતની વિવિધ તકનીકી બાબતોનું નિરીક્ષણ થઈ રહ્યું છે. મેચ વ્યવસ્થા, રહેઠાણ અને મેદાની સુવિધાઓ અંગે ખેલાડીઓ તરફથી કોઈ ફરિયાદ નથી.

કબડ્ડીનું ભવિષ્ય ઉજ્જવળ, સરકારનું ધ્યાન લાભદાયક : બલવાનસિંહ

દેશ માટે ૧૮ વખત ગોલ્ડ મેડલ હાંસલ કરનાર હરિયાણાના બલવાન સિંહે જણાવ્યું હતું કે, સરકાર દ્વારા સુવિધાઓ, તાલીમ અને પ્રોત્સાહન વધુતા યુવાનો માટે તકો વિસ્તરી રહી છે. બલવાનસિંહને દ્રોણાચાર્ય એવોર્ડ, ભીમ એવોર્ડ, ભારત સ્વાભિમાન એવોર્ડ, અતિ વિશિષ્ટ જ્યોતિ એવોર્ડ સહિતના સન્માનો પ્રાપ્ત છે. તેઓ અગાઉ ભારતીય એરફોર્સમાં રેસલર તરીકે જોડાયેલા હતા, પરંતુ ઇજા થવાને કારણે તેમને રમત બદલવાની ફરજ પડી.

ફેશ ખેલાડીઓ માટે માનસિક તૈયારી આવશ્યક: અશોક શિંદે

અર્જુન એવોર્ડી અશોક શિંદેએ જણાવ્યું હતું કે, ફેશ ખેલાડીઓ ઘણી વખત પ્રેશરના કારણે પોતાની સ્વાભાવિક રમત ભૂલી જાય છે. શિંદેએ યાદ કર્યું કે, વર્ષ ૧૯૯૦માં એશિયન કપમાં પાકિસ્તાન સામે ગોલ્ડ મેડલ જીતવો એ તેમની કારકિર્દીનો ઐતિહાસિક ક્ષણ હતો. કોચ ખેલાડીઓને માત્ર ટેકનિકલ તાલીમ જ નહીં, પરંતુ માનસિક રીતે મજબૂત બનાવવા માટે ખાસ તૈયારી કરાવે છે. સ્પર્ધાથી શહેરની અર્થવ્યવસ્થાને પણ સકારાત્મક અસર પડે છે.