બ્યૂટિ પાર્લર ચલાવતી મહિલાને યુ.કે. મોકલવાના બહાને ૧૯.૫૮ લાખ પડાવ્યા | Woman running a beauty parlor was cheated of Rs 19 58 lakh on the pretext of sending her to the UK
વડોદરા,વડોદરામાં બ્યૂટિ પાર્લર ચલાવતી મહિલાને યુ.કે.ના વિઝા અને નોકરી અપાવવાના બહાને પિતા પુત્રે ૧૯.૫૮ લાખ પડાવી લીધા હતા. જે અંગે પોલીસે ગુનો દાખલ કરી કાર્યવાહી હાથ ધરી છે.
બ્યૂટિ પાર્લર ચલાવતી મહિલાએ પોલીસ સ્ટેશનમાં ફરિયાદ નોંધાવી જણાવ્યું છે કે, જાન્યુઆરી – ૨૦૨૪ માં મારા ફેસબૂક પર કેતુલ પટેલ તેના ઘરે લગ્ન પ્રસંગ હ ોઇ તે અંગે વાચતીત થઇ હતી. ત્યારબાદ તે રોજ મને મેસેજ કરતો હતો.પરંતુ, હું કામમાં વ્યસ્ત હોઇ મેસેજનો રિપ્લાય આપતી નહતી.મારે વિદેશ જવાની ઇચ્છા હોઇ કેતુલને વાત કરતા તેણે જણાવ્યું હતું કે,તમે ચિંતા ના કરો. હું સ્વામિ નારાયણ સંસ્થા સાથે જોડાયેલો છું. અહીંયા અમારી બહુ ઓળખાણ છે. તમારા વિઝા, નોકરી અને રહેવાનું હું સેટ કરી આપીશ. તેણે ૨૨ લાખનો ખર્ચ થશે, તેવું જણાવ્યું હતું. મેં તેને ટૂકડે – ટૂકડે ૨૦.૧૮ લાખ આપ્યા હતા. વડોદરામાં રહેતા તેના પિતાના ઘરે જઇને પણ મેં પૈસા આપ્યા છે. તેમજ તેના કહેવાથી ગૂગલ – પે થી પણ રૃપિયા ચૂકવ્યા હતા. રૃપિયા મળી ગયા પછી તેણે ફોન રિસિવ કરવાનું બંધ કરી દીધું હતું. યુ.કે.માં રહેતા અમારા ઓળખીતાઓ મારફતે તપાસ કરાવતા જાણ થઇ કે,કેતુલ અને તેના પિતાએ આ રીતે ઘણા લોકો પાસેથી રૃપિયા પડાવ્યા છે. કેતુલના પિતાને વાત કરતા તેમણે એવો જવાબ આપ્યો કે,અમે તેની સાથે કોઇ પ્રકારનો વ્યવહાર રાખતા નથી. થોડા દિવસો પછી કેતુલ સાથે સંપર્ક થતા મે પોલીસ ફરિયાદની વાત કરતા તેણે મને માત્ર ૬૦ હજાર પરત કર્યા હતા. જ્યારે ૧૯.૫૮ લાખ પરત કર્યા નથી. અમારી વાતચીત દરમિયાનના ફોટા અને વીડિયો સોશિયલ મીડિયામાં વાયરલ કરવાની કેતુલે ધમકી આપી હતી. પોલીસે કનુભાઇ ઇશ્વરભાઇ પટેલ (રહે. પુષ્ટિ વાટિકા સોસાયટી, વડસર) તથા કેતુલ (રહે. યુ.કે.) ની સામે ગુનો દાખલ કરી તપાસ હાથ ધરી છે.
