વાડી ડી સ્ટાફના બે પોલીસ જવાનોની હેડ ક્વાર્ટર બદલી | transferre of two police personnel of Wadi D staff to Headquarters
વડોદરા,વાડી પોલીસ સ્ટેશનના બે પોલીસ જવાનોની હેડ ક્વાર્ટર બદલીનો ઓર્ડર થયો છે. વાડી પોલીસ સ્ટેશનની હદમાં થોડાસમય પહેલા સ્ટેટ મોનિટરિંગ સેલનો દરોડો પડયો હતો. તેના પગલ બદલી થઇ હોવાની ચર્ચા પોલીસ બેડામાં ચાલી રહી છે.
થોડાસમય પહેલા વાડી પોલીસ સ્ટેશનની હદમાં સ્ટેટ મોનિટરિંગ સેલે દરોડો પાડી બૂટલેગરનો વિદેશી દારૃનો જથ્થો કબજે કર્યો હતો. વાડી વિસ્તારમાં સ્ટેટ મોનિટરિંગ સેલના દરોડા પણ અવારનવાર પડે છે. તેમજ પીસીબી અને ડીસીબી દ્વારા પણ દારૃ અને જુગારના કેસ કરવામાં આવે છે. વાડી પોલીસની નિરસ કામગીરીના કારણે દારૃ જુગારની બદી વિસ્તારમાં વધી ગઇ છે. વાડી પોલીસ સ્ટેશનના બે પોલીસ જવાનો રાજુભાઇ અને જાસ્મિનભાઇની બદલી હેડ ક્વાર્ટર કરવામાં આવી છે. એસ.એમ.સી.ની રેડના પગલે જો તેઓની બદલી થઇ હોય તો પછી તે સમયના પી.આઇ.ની એસ.ઓ.જી.માં કેમ ટ્રાન્સફર કરવામાં આવી, તે પણ ચર્ચાનો મુદ્દો પોલીસ બેડામાં બન્યો છે. જોકે, ઓર્ડરમાં હંમેશની જેમ વહીવટી કારણોસર બદલી કરી હોવાનો ઉલ્લેખ કરાયો છે.
