ચાર વર્ષ પહેલા સુરતમાં થયેલી બે કરોડની લૂંટનો વોન્ટેડ આરોપી ઝડપાયો | Wanted accused in two crore robbery in Surat arrested
વડોદરા,સુરતમાં ચાર વર્ષ પહેલા ક્રિપ્ટો કરન્સીમાં રોકાણ માટે તૈયાર થનાર ફરિયાદીના બે કરોડ લૂંટી લેવાના ગુનામાં વોન્ટેડ આરોપીને ક્રાઇમ બ્રાંચની ટીમે આણંદ ખાતેથી ઝડપી પાડયો છે.
સુરત શહેરના વરાછા પોલીસ સ્ટેશનમાં ચાર વર્ષ પહેલા બે કરોડ રૃપિયાની લૂંટ થઇ હતી. જે ગુનામાં સંડોવાયેલો આરોપી સમીર યુનુસભાઇ વોરા (રહે. સુપર બેકરી સામે, વડોદરા) નાસતો ફરતો હતો. સુરત પોલીસ દ્વારા શોધખોળ કરવા છતાંય આરોપી મળી આવ્યો નહતો. વોન્ટેડ આરોપીને ઝડપી પાડવા માટે ક્રાઇમ બ્રાંચની ટીમે ટેકનિકલ અને હ્યુમન સોર્સના આધારે તપાસ કરતા જાણવા મળ્યું હતું કે, લૂંટના ગુના પછી આરોપી વડોદરા છોડીને આણંદ રહેવા જતો રહ્યો હતો. પોલીસે તપાસ દરમિયાન આરોપીને આણંદના ૧૦૦ ફૂટ રોડ, દિયા સિનેમા કોમ્પલેક્સ પાસેથી ઝડપી પાડયો હતો. ક્રાઇમ બ્રાંચે આરોપી સમીર યુનુસભાઇ વોરા, ઉં.વ.૪૨ (રહે. સરસ્વતી કોમ્પલેક્સ, સુપર બેકરી સામે, આજવારોડ, હાલ રહે. કિસ્મત ચોકડી,સલાટીયારોડ, આણંદ) ને સુરત પોલીસને સુપરત કર્યો છે.ોે
