ટ્રમ્પનો ટેરિફ અમેરિકાને જ ભારે પડ્યો, 8200 સ્ટોર્સને તાળા વાગ્યા, 717 કંપનીઓ દેવાળીયું | Trump’s tariffs hurt Americans 8 200 stores closed in a year
USA Economy News : હાથના કર્યા હૈયે વાગ્યા તે કહેવત છે તેમ અમેરિકાના ટેરિફ અમેરિકનોને જ વાગ્યા છે. ટ્રમ્પે લાદેલા ટેરિફના પગલે અમેરિકામાં એક જ વર્ષમાં 8200થી વધુ સ્ટોર્સને તાળા વાગ્યા છે. તેની તુલનાએ 2024માં 7325 સ્ટોર બંધ થઈ ગયા હતા. આ સિવાય 717 કંપનીઓ પોતાને નાદાર જાહેર કરી ચૂકી છે, જે આંકડો છેલ્લા 15 વર્ષનો સૌથી મોટો આંકડો છે. આ ટ્રમ્પના ટેરિફની વિપરીત અસર બતાવે છે.
ટ્રમ્પના ટેરિફના લીધે ફાર્મસી, ડિપાર્ટમેન્ટ સ્ટોર્સ, કોફી શોપ, ડિસ્કાઉન્ટ રિટેલર્સ અને રેસ્ટોરા બધા પર અસર પડી હતી. 2025માં 30અમેરિકન રિટેલ ચેઇન પોતાને નાદાર જાહેર કરી ચૂકી છે. અમેરિકામાં સૌથી મોટી કંપનીઓમાં એક ફાર્મસી ચેઇન રાઇટ એન્ડે ઓક્ટોબર 2025માં ટ્રમ્પના ટેરિફના કારણે લગભગ 1300 થી વધુ સ્ટોર બંધ કરી દીધા. જ્યારે ક્રોફ્ટ રિટેલર જોને એક જ વર્ષમાં 800 સ્ટોર્સને તાળા મારી દીધા. તેણે દાવો કર્યો છે કે કંપની પર 1.1 અબજ ડોલરનું દેવું છે.
ટેરિફના કારણે સરેરાશ અમેરિકન કુટુંબો પર સરેરાશ 1200 ડોલરનો વધુ બોજ પડી રહ્યો છે. ટ્રમ્પે ગયા વર્ષે જ એલ્યુમિનિયમની આયાત પર 50 ટકાનો ભારે ટેક્સ નાખ્યો હતો. તેનો હેતુ સ્થાનિક ધાતુ ઉત્પાદન ક્ષમતામાં દાયકાઓથી પડતી અછતને દૂર કરવાનો હતો. આટલું ઓછું હોય તેમ અમેરિકન પ્રમુખ ટ્રમ્પે ગયા વર્ષે એલ્યુમિનિયમની આયાત પર 50 ટકા ટેરિફ નાખતા સ્થાનિક ઉદ્યોગને જબરદસ્ત ફટકો પડયો છે.
આટલું ઓછું હોય તેમ અમેરિકામાં એલ્યુમિનિયમને ગાળતી વધુ એક કંપનીએ તેનો કારોબાર સમેટી લીધો છે. તેના કારણે હવે અમેરિકામાં પાંચ જ પ્રાઇમરી મેટલ પ્રોડકશન પ્લાન્ટ જ બચ્યા છે. સેન્ચુરી એલ્યુમિનિયમે 2022માં રશિયાના યુક્રેન પર હુમલા પછી તેના હોસવિલ સ્મેલ્ટર પ્લાન્ટમાં ઉત્પાદન અટકાવી દીધુ હતું. ઊર્જાના દરમાં નોંધપાત્ર વધારાના લીધે તેણે આ પગલું લીધુ હતું. કંપનીને આશા હતી કે એક વર્ષની અંદર કિંમત ઉતરતા તે પ્લાન્ટનું સંચાલન શરૂ કરી દેશે. તેના પગલે સેન્ચુરીએ હવે કેન્ટકી સ્થિત પ્લાન્ટને ડિજિટલ ઇન્ફ્રાસ્ટ્રકચર કંપની ટેરાવૂલ્ને વેચી દીધો છે.
