વ્યાજ સહિત પૈસા આપી દીધા છતાં ગાંઠીલાના શિક્ષક દંપતીને માર માર્યો | Despite giving money with interest teacher couple beaten up in Gatha
4 વર્ષ પહેલાં 18 ટકા વ્યાજે એક લાખ લીધા હતા : શિક્ષકને માર પડતાં શિક્ષિકા પત્ની બચાવવા ગયા, તો તેને પણ પાઇપ મારી દેવાતાં ફ્રેક્ચર થઈ ગયું
જૂનાગઢ : જૂનાગઢમાં રહેતા અને વંથલી તાલુકાના ગાંઠીલામાં ફરજ બજાવતા શિક્ષકે એક શખ્સ પાસેથી 4 વર્ષ પહેલાં 18 ટકા વ્યાજે 1 લાખ લીધા હતા. તેના વ્યાજ સાથે રકમ ચૂકવી દીધી છતાં વ્યાજના પૈસાની ઉઘરાણી કરી ગાંઠીલાના શખ્સે ઉઘરાણી કરી શિક્ષકને માર માર્યો હતો. એ ઝગડામાં શિક્ષિકા પોતાના પતિને બચાવવા વચ્ચે પડતા તેને પણ પાઇપ મારી દેતા ફેકચર થઈ ગયું હતું. આ અંગે ફરિયાદ થતા પોલીસે ગાંઠીલાના શખ્સ સામે ગુનો દાખલ કરી વધુ કાર્યવાહી હાથ ધરી છે.
આ અંગેની વધુ વિગત મુજબ શહેરના ઝાંઝરડા રોડ પર ગોલ્ડન સિટીમાં ભાડેથી રહેતા અને વંથલી તાલુકાના ગાંઠીલા પ્રાથમિક શાળામાં ફરજ બજાવતા શિક્ષક પિયુષભાઈ મનહરભાઈ પબાણીએ ચારેક વર્ષ પહેલાં ગાંઠીલાના પ્રવીણ રામજી ચૌહાણ પાસેથી એક લાખ રૂપિયા ૧૮ ટકા વ્યાજે લીધા હતા. શિક્ષક પિયુષભાઈએ કટકે કટકે વ્યાજ સહિતની રકમ ચુકવી દીધી હતી છતાં પ્રવીણ રામજી ચૌહાણ અવારનવાર પૈસાની ઉઘરાણી કરતો હતો પરંતુ પૈસા આપી દીધા હોવાથી પિયુષભાઈ પૈસા આપવા ના પાડતા હતા એ બાબતનું મનદુઃખ ચાલતું હતું.
ગઈકાલે પિયુષભાઈ અને તેના શિક્ષીકા પત્ની વીજયેતાબેન કારમાં કાર લઇ વંથલી બીએલઓની કામગીરી માટે જઇ રહ્યા હતા એ દરમ્યાન વિજયેતાબેનને ઉબકા આવતા તેના પતિ પિયુષભાઈ કાર ઉભી રાખી ચોકલેટ લેવા ગયા હતા ત્યારે ગાંઠીલાના પ્રવીણ રામજી ચૌહાણે બાઈક કાર આડે ઉભી રાખી દુકાને ઉભેલા શિક્ષક પિયુષભાઇને પ્લાસ્ટીક જેવા પાઇપથી આડેધડ મારવા લાગ્યા હતા. પિયુષભાઈ કાર તરફ દોડતા પ્રવીણ ચૌહાણે પાછળ માર માર્યો હતો. વિજયેતાબેન બચાવવા માટે કારમાંથી નીચે ઉતરી આડે પડતા પ્રવીણ રામજીએ તેને પણ પાઇપ વડે આડેધડ માર માર્યો હતો ફરિયાદ કરશો તો એટ્રોસિટીના ખોટા કેસમાં ફસાવી દેવા ધમકી આપી.
